Föstudagskvöldið 25. ágúst árið 2017 kom til átaka fyrir utan Kalda bar, Laugavegi 20b í Reykjavík. Núna, næstum þremur árum síðar, sýpur gerandinn í málinu seyðið af því.
Dómur féll í Héraðsdómi Reykjavíkur þann 2. desember síðastliðinn. Maðurinn var ákærður fyrir að hafa veist að öðrum manni fyrir utan Kalda bar, slegið hann tveimur hnefahöggum og skallað hann í andlitið þannig að hann kastaðist aftur á útidyrahurð staðarins, með þeim afleiðingum að hann kastaði upp og hlaut heilahristing, mar í andliti, brot á tönn og tognun á hálsi.
Einnig var hann ákærður fyrir líflátshótanir gegn manninum en ákæruvaldið féll frá þeim hluta ákærunnar.
Hinn ákærði játaði brot sín. Hann hefur ekki áður gerst brotlegur við lög.
Refsing var ákveðin 60 daga skilorðsbundið fangelsi. Þá var hann dæmdur til að greiða miskabætur upp á 400.000 krónur og málsvarnarlaun til verjanda síns upp á 367.040.
