Kylian Mbappé, leikmaður PSG og franska landsliðsins, skoraði sitt 100 mark fyrir PSG í 1-3 sigri gegn Montpellier í frönsku deildinni í gær.

Mbappé, sem er 20 ára og 357 daga gamall, hefur verið á mála hjá PSG í rúmlega þrjú ár. Hann hefur skorað 74 mörk í frönsku deildinni, 13 mörk hefur hann skorað í Meistaradeildinni og 13 mörk hefur hann skorað bikarkeppnum í Frakklandi.

Mbappé er fjórði markahæsti leikmaður PSG frá upphafi ásamt Dominique Rocheteau. Pauleta hefur skorað 109 mörk, Zlatan Ibrahimovic 156 og Edison Cavani á markametið sem eru 200 mörk.

Hér að neðan má sjá mörkin hundrað.