Ég veit ekki hvaða „snillingi“ í markaðsmálum datt þetta í hug, en viðkomandi má alveg taka nokkra daga í að horfa í eigin barm og íhuga málefni eins og að ala á útlendingafæð, hvað óheilbrigð þjóðernishyggja og einangrunarstefna eru og að gera lítið úr öðrum þjóðum.

Þetta er andstyggileg auglysingaherferð og alls ekki það sem við þurfum núna. Hvorki sem þjóð né sem heimur.

Það eru til miklu fallegri leiðir til að höfða til þjóðlegra kennda, byggja upp jákvæða sjálfsmynd þjóðar og efla íslenska framleiðslu. Til dæmis að fókusera á jákvæða þætti íslensks samfélags og það að við séum stolt af okkar eigin framleiðslu. Það mætti draga fram það sem gerir okkur einstök, þjóðlög, dansa, kvæði, fókusera á hluti sem við eigum sameiginlega og gleðjumst yfir, lopapeysur, 17. júní og þjóðhátíð, mætingu á Pride, hvað sem er. Bara ekki drulla yfir aðrar þjóðir og þeirra menningu, framleiðslu, tungumál og tilvist.

Þú lyftir ekki sjálfum þér upp með því að setja aðra niður. Það er glatað. Ég myndi seint fá fólk til að kaupa mína tónlist með því að drulla yfir erlenda listamenn og gera þá tortyggilega.

https://islensktskiptirmali.is/ er glatað.

Ölgerðin Egill Skallagrímsson

,

Mjólkursamsalan

,

Gæðabakstur – Ömmubakstur

,

Kjörís

og Freyja Sælgætisgerð mega endilega taka smá naflaskoðun.