Hér er hún komin, brakandi fersk stjörnuspá fyrir vikuna. Hvað segja stjörnurnar um næstu viku ?
Hrútur
21. mars–19. apríl
Þú ert varla búin/n að skera út graskerið þegar þú ert farin/n að huga að þakkargjörðarhátíðinni. Alltaf svo hugulsöm/samur að plana fyrir þig og þína og nennin/n við að hugsa eitthvað nýtt og skemmtilegt. Mundu bara að skilja eftir tíma fyrir þig í þessu fína prógrammi þínu.
Naut
20. apríl–20. maí
Markmið vikunnar er að hafa gaman! Lífið hefur verið aðeins of fullorðins upp á síðkastið. Ekki ólíklegt að þú endir vikuna á mjög metnaðarfullum HallóVín-búningi sem endar í góðu kojufylleríi með þinni/ínum nánasta.
Tvíburar
21. maí–21. júní
Þú nennir ekki miklu þessa vikuna, hugsar um gömlu góða unglingsárin þegar þú varst bæði kærulaus og ábyrgðarlaus og bólan á enninu á þér var stærsta vandamálið. Vertu þessi unglingur þessa vikuna, það verður nóg að gera hjá þér í þeirri næstu
Krabbi
22. júní–22. júlí
Endurnærð/ur eftir nokkurra daga frí og tilbúin/n í slaginn. Ótrúlegt hvað nokkrir dagar frá daglegu amstri geta sett hlutina í samhengi. Nýjar hugmyndir og drifkraftur fylla vikuna þína, sem gefur þér aukið sjálfstraust.
Ljón
23. júlí–22. ágúst
Vinnuþreyta einkennir þessa viku. Nú er góður tími til að staldra við og hugsa hvort og hvaða breytingar gætu hjálpað þér til að líða betur á vinnustaðnum. Vinnan spilar svo stórt hlutverk í lífi manns að það er eins gott að maður njóti sín þar.
Meyja
23. ágúst–22 .sept
Þú laðar að þér peninga þessa viku. Stöðuhækkun, atvinnutækifæri… Hvort sem það er, máttu gera kröfur og vita vægi þitt. Taktu tíma til að hugsa málið til enda áður en þú skrifar undir eitthvað eða samþykkir skilmálana.
Vog
23. sept–22. okt
Þú þarft ekkert að óttast. Einhvern veginn mun allt koma heim og saman og málin leysast á ótrúlegan hátt. Stjörnurnar eru þér hliðhollar og munu sjá til þess að allt gangi upp. Andaðu því rólega og treystu, þú ert í góðum höndum.
Sporðdreki
23. okt–21. nóv
Þegar maður stendur í vegi fyrir sjálfum sér þá er það mögulega innri viskan að reyna segja manni eitthvað. Hlustaðu á þessi skilaboð. Þú veist alveg svarið. Þú þart bara að gefa þér góðan tíma til þess að hlusta á þetta innsæi.
Bogmaður
22. nóv–21. des
Já, það er of snemmt að byrja að hlusta á jólalög, elsku Bogmaður! En auðvitað á maður að gera allt sem bætir líðan manns og kætir. Þannig að ef þú lofar að hlusta á þau í laumi og þvinga jólalögin ekki upp á neinn annan, þá verður vikan þín fín.
Steingeit
22. des–19. janúar
„Help me help you!“ Þú hefur einhverjar hugmyndir sem þig dauðlangar að framkvæma en veist ekki hvar þú átt að byrja. Heyrðu í fólkinu þínu, kallaðu saman teymi, biddu um leiðsögn og sjáðu hvort það komi ekki einhverju af stað.
Vatnsberi
20. janúar–18. febrúar
Það má skipta um skoðun og þú þarft ekkert að útskýra það nánar fyrir neinum. Vikan þín fer í þá fögru æfingu að vera sama um hvað öðrum finnst. Veldu það sem er best fyrir þig á þessari stundu.
Fiskar
19. febrúar–20. mars
Innri ró og ný rútína einkenna þína viku. Þú finnur breytingu innra með þér og ert spennt/ur fyrir komandi tímum. Vikan fyllir þig af tilhlökkum og von. Þetta verður einstaklega björt vika hjá flæðislega fisknum okkar.
