Neyðarstigi Almannavarna var lýst yfir í dag af ríkislögreglustjóra í samráði við sóttvarnalækni. Er það gert vegna kórónuveirunnar en smitum hefur farið fjölgandi hratt undanfarið og eykur það líkur á veldisvexti. Greint var frá þessu í tilkynningu frá ríkislögreglustjóra.

„Frá 15. septem­ber til 4. októ­ber hafa um 630 ein­staklingar greinst með CO­VID-19 innan­land,“ segir í tilkynningunni. Jafn­framt hefur dag­legur fjöldi ný­greindra verið um 30-40 og hlut­fall þeirra sem er í sótt­kví verið um 50%. Fjöldi þeirra sem veikst hefur al­var­lega hefur aukist og hafa um 20 ein­staklingar þurft á sjúkra­hús­inn­lögn að halda. Í dag eru þrettán á sjúkra­húsi, þar af þrír á gjör­gæslu og tveir á öndunar­vél.“

Virkjun neyðarstigsins hefur ekki mikið meiri áhrif á almenning en hættustigið sem hefur varað síðan í lok maí á þessu ári.