Midtjylland tryggði sér sæti í riðlakeppni meistaradeildarinnar eftir 4-1 sigur á Slavia Praha. Slavia Praha komst yfir á þriðju mínútu með marki frá Peter Olayinka. Midtjylland jafnaði ekki fyrr en í síðari hálfleik þegar Sory Kaba kom boltanum í netið. Á 84. mínútu skoraði Alexander Scholz úr vítaspyrnu fyrir Midtjylland. Frank Onyeka bætti þriðja marki heimamanna við á 88. mínútu og fjórða og síðasta markið kom í uppbótartíma þegar Anders Dreyer kom boltanum í netið.
Sverri Ingi Ingason var í byrjunarliði PAOK þegar þeir töpuðu fyrir Krasnodar. Fyrsta mark leiksins kom á 73. mínútu þegar Ioannis Michailidis varð fyrir því óláni að skora sjálfsmark. Staðan 0-1 fyrir Krasnodar. PAOK jafnaði metin á 77. mínútu þegar Omar El Kaddouri kom boltanum í netið. Rémy Cabella skoraði sigurmark leiksins fyrir Krasnodar á 78. mínútu leiksins.
Midtjyllan og Krasnodar verða því í pottinum á morgun þegar dregið verður í riðla. Riðlakeppnin hefst 20. október.
Midtjylland 4 – 1 Slavia Praha
0-1 Peter Olayinka (3′)
1-1 Sory Kaba (65′)
2-1 Alexander Scholz (84′) (Víti)
3-1 Frank Onyeka (88′)
4-1 Anders Dreyer (90+1′)
PAOK 1 – 2 Krasnodar
0-1 Ioannis Michailidis (73′) (Sjálfsmark)
1-1 Omar El Kaddouri (77′)
1-2 Rémy Cabella (78′)