Líkkista Ruth Bader Ginsburg var borin inn í hús Hæstaréttar Bandaríkjanna þar sem hún mun liggja á viðhafnarbörum í tvo daga. Myndband af athöfninni var birt á DailyMail og má sjá hér að neðan.

Áætlað er að þúsundir muni mæta í þinghúsið til að votta Ginsburg virðingu sína í dag og á morgun. Þá er gert ráð fyrir að Donald Trump Bandaríkjaforseti mæti á morgun.

Fráfall Ruth Bader Ginsburg kveikti strax umræður um eftirmann hennar en aðeins sex vikur eru til kosninga í Bandaríkjunum. Trump hefur lofað því að tilkynna hvern hann hyggst tilnefna og þingmenn öldungardeildar Bandaríkjaþings keppast nú ýmist um að lýsa yfir stuðningi við bollaleggingar forsetans eða að úthrópa þær. Vísa andstæðingar forsetans til aðstæðanna sem komu upp árið 2016, þegar sæti losnaði í Hæstarétti stuttu fyrir kosningarnar. Nú segja stuðningsmenn forsetans að aðstæðurnar séu ekki fullkomnlega sambærilegar, enda sé bæði Hvíta húsið og öldungadeildin undir stjórn sama flokksins nú, en á síðustu metrum Obama í embætti sat hann uppi með Repúblikana í meirihluta í efri deildinni.

Sæti í Hæstaréttu eru fyllt þannig að forseti tilnefnir einstakling sem öldungadeild þingsins fjallar svo um í dómsmálanefnd og kýs svo um.