Leikarinn Gunnar Hansson trúlofaðist kærustu sinni Hikoro Ara á dögunum. Gunnar Hansson er ástsæll leikari og hvað þekktastur fyrir túlkun sína á ljóðskáldinu, rithöfundinum, mannvininum og bóhemanum Frímanni Gunnarssyni. Ný þáttaröð af Frímanni og ævintýrum hans fór nýlega í sýningu á RÚV landsmönnum til mikillar gleði.
Parið greindi frá gleðitíðindunum á Facebook og lék DV forvitni á að vita hvernig þau eiga saman ef litið er til stjörnumerkjanna.
Það getur verið viss áskorun fyrir Steingeitina og Tvíburann að láta samband sitt ganga. Þetta er vissulega ansi skemmtileg og krefjandi pörun. En ef þau geta bæði lagað sig að persónuleika hins mun sambandið verða sterkara með tímanum og að lokum betra en nokkuð annað samband stjörnumerkjanna.
Tvíburinn á það til að vera algjör daðrari og hans hugmynd um hvað má og má ekki er aðeins óljósari en hjá reglusömu Steingeitinni. En hún lætur ekki auðveldlega plata sig og á auðvelt með að lesa Tvíburann og er fljót að átta sig á því þegar hann er að spinna lygavef.
Staðreyndin er sú að samband Steingeitarinnar og Tvíburans getur verið strembið. Lykillinn að hamingjusömu sambandi milli merkjanna er samskipti og þolinmæði. Finnið sameiginlegt áhugamál og verið dugleg að tjá ást ykkar hvort á öðru.
24. desember 1977
Steingeit
26. maí 1971
Tvíburi
