Hér er hún komin, brakandi fersk stjörnuspá fyrir vikuna. Hvað segja stjörnurnar um næstu viku ?
Hrútur
21.03. – 19.04.
Aukið sjálfstraust flæðir til þín þessa vikuna, elsku Hrútur. Sjálfstraustið hjálpar þér að taka þær ákvarðanir sem henta þér best. Vinnan og heimilislífið gengur líka betur í kjölfarið. Þú ert á réttri braut.
Naut
20.04. – 20.05.
Stundum þarf maður að ganga í gegnum smá hiksta til þess að ákveðið samband geti þroskast frekar. En það mun einmitt reyna aðeins á þessa vikuna. Ekki bugast, þú sérð síðar að þið verðið nánari eftir þessa uppákomu.
Tvíburar
21.05. – 21.06.
Þú ert með ansi marga bolta í loftinu þessa dagana. Þín lausn felst einfaldlega í því að biðja um hjálp og forgangsraða. Þér leiðist allavega ekki, sem er lúxusvandamál.
Krabbi
22.06. – 22.07.
Ef það er einhvern tíma tími fyrir Krabba-dansinn þá er það núna! Og já, á almannafæri! Láttu vaða. Hverjum er ekki sama hvað öðrum finnst. Það ríkir mikil gleði á bak við þennan dans. Skemmtilegir tímar fram undan og lausnir á vandamálum í sjónmáli.
Ljón
23.07-22.07.
Út fyrir endamörk alheimsins! Þú ert Bósi ljósár þessa dagana og ert að huga að stórum breytingum. Ljónið er í stuði og finnst lífið of stutt til þess að taka ekki smá áhættu. Hlustaðu gaumgæfilega á þessa tilfinningu. Hver veit hvert hún leiðir þig?
Meyja
23.08. – 22.09.
Eitthvað vantar upp á rómantíkina þessa vikuna. Það er svo skrítið að vera einmana í samveru annarra. Mögulega getur þú sjálf/ ur kryddað upp á tilveruna eða planað skemmtilegt stefnumót sem mun fylla upp í einmanaleikann. Stundum verðum við sjálf að vera breytingin sem við þurfum í líf okkar.
Vog
23.09. – 22.10.
Þú átt ekki sérlega auðvelt með að koma hlutum í verk þessa vikuna. Dagdraumar flækjast fyrir og þú nennir lítið að taka þátt í skyldum sem fylgja raunheiminum. Reyndu að gera pláss fyrir bæði, til þess að koma örlitlu í verk.
Sporðdreki
23.10. – 21.11.
Eitthvað þarf að peppa upp starfsandann og þú gætir verið lausnin. Hvernig væri að plana litla óvissuferð til þess að hrista upp í liðinu? Það þarf ekki mikið til, en lítið framlag gæti skilað miklu.
Bogmaður
22.11. – 21.12.
Yfirnáttúrulegir hlutir eru að gerast í kringum þig. Skilaboð að handan? Ertu að hlusta? Þetta er dularfullt líf sem við lifum. Ef vinur þinn stingur upp á að fara í heilun þá er núna góður tími til þess að gefa sér tíma í það. Mögulega leynast svörin þar.
Steingeit
22.12. – 19.01.
Hmm… Lastu ekki örugglega spána í síðustu viku, eða ertu bara enn þá að mana þig upp í að segja það sem þú ert að hugsa upphátt? Æfing í að setja mörk og tjá tilfinningar og skoðanir, mun létta á allri tilveru þinni. Persónulegur sigur er í kortunum þínum fyrir lok vikunnar.
Vatnsberi
20.01. – 18.02.
Ja, hérna hér. Það er ýmislegt sem kemur upp á yfirborðið þessa vikuna og kallar á smá hreinsun. Það gæti tekið á tilfinningalega en að lokum verður mikill léttir. Þú veist það nú þegar að það er kominn tími til að kveðja þá sem ekki upphefja okkur.
Fiskur
19.02. – 20.03.
Fiskurinn er frekar næmur í eðli sínu. Í þessari viku ertu óvenju berdreymin/n. Geymdu dagbók við rúmið þitt. Og finndu svo gömlu draumaráðningabækurnar frá ömmu þinni. Leiðbeinendur að handan eru að reyna að hjálpa þér með næstu skref.
