Hafnfirska sveitin Valby-bræður munu í kvöld frumsýna myndband við lagið Svartur á leik á Húrra. Sveitina skipa bræðurnir Jakob Valby og Alexander Gabríel Hafþórsson. Þá stíga Kilo og Blaz Roca einnig á svið.
Jakob og Alexander eru hálfbræður, sammæðra og ólust upp saman. Bræðurnir fluttu af landi brott til Danmerkur þegar þeir voru börn og ólust þar upp.
Bræðurnir byrjuðu að fikta við að semja texta fyrir um sjö árum og 2013 kom þá út fyrsta lag þeirra saman. Bræðurnir eru með háleit plön og hafa vinsældir sveitarinnar aukist jafnt og þétt.
Önnur myndbönd bræðranna hafa vakið mikla athygli. DV greindi frá því í sumar að í myndbandi við lagið peningar hefðu þeir bræður nýtt vopn að verðmæti tíu til tólf milljóna. Það myndband var tekið upp í herrafatabúð Kormáks og Skjaldar.
Tónleikarnir hefjast klukkan 21. Hér fyrir neðan má sjá myndband við lagið Peningar en Svartur á leik verður eins og áður segir frumsýnt í kvöld.
[youtube https://www.youtube.com/watch?v=_VfhD7ARk9Y&w=560&h=315]
