Þúsundir manna komu saman á tónlistarhátíð í Wuhan Maya Beach vatnsgarðinum í borginni Wuhan í Kína samkvæmt frétt BBC. Þar var enginn með grímu og tveggja metra reglan var ekki við lýði.
Wuhan borg kannast flestir við eftir að fyrsta tilfelli af Covid-19 kom þar upp í lok síðasta árs. Af myndum að dæma virðist vera sem faraldurinn, sem heimurinn allur glímir við, sé í algleymingi í Wuhan.
Þann 23. janúar var sett á útgöngubann í Wuhan, það fyrsta vegna Covid-19. Afléttingar á útgöngubanninu hófust í mars og var því formlega aflétt þann 8. apríl. Engin smit hafa orðið innan Wuhan borgar eða Hubei héraðs síðan um miðjan maí.
Um tíma virtist lífið farið að hafa sinn vana gang. Skólar og fyrirtæki opnuðu ásamt almenningssamgöngum. Þann 12. maí komu upp sex ný tilfelli í Wuhan. Borgin skipulagði skimun á öllum borgarbúum, 11 milljón manns. Fljótlega náðist utan um útbreiðsluna.
Í júlí fór lífið fyrir alvöru að verða eins og áður. Bíóhús, almenningsgarðar, bókasöfn og söfn opnuðu og stærri samkomur voru leyfðar.
Miðað við veisluhöld um síðustu helgi virðist lífið í Wuhan orðið eins og það á að vera. Skipuleggjendur hátíðarinnar gáfu því byr undir báða vængi með því að bjóða kvenkyns ferðalöngum upp á helmings afslátt af miðum á hátíðina til að laða að fleira fólk.
Wuhan happy valley, garðurinn sem á Maya vatnagarðinn þar sem hátíðin fór fram, opnaði 25. júní. Samkvæmt framkvæmdarstjóra garðsins byrjuðu gestir þó ekki að streyma í garðinn fyrr en í ágúst. Núna koma um 15.000 gestir í garðinn hverja helgi, helmingi færri en á sama tíma í fyrra.
Á kínverskum samfélagsmiðlum hafa hátíðarhöldin verið gagnrýnd. Notendur á samfélagsmiðlinum Twitter hafa einnig tjáð sig um þessa stóru hátíð.
DeAnna Lorraine repúblikani í Bandaríkjunum segir þetta vera algjört grín.
Omg, If you need any more proof what a JOKE this is
Look at what literally WUHAN China is doing right now – major music festivals, no social distancing obvi.And we can’t even be in public without a mask. LOL!
FYI, China ended THEIR Lockdowns on April 7!https://t.co/W4F4WtjcTT pic.twitter.com/aA3WizNAtE
— DeAnna Lorraine 🇺🇸 (@DeAnna4Congress) August 17, 2020
Fjölmiðlamaður Piers Morgan skilur ekkert í að þetta sé leyfilegt.
Incredibly insensitive of Wuhan to allow this kind of thing as the rest of the world reels from the virus that came from there. 👇 https://t.co/6qtObsxNF9
— Piers Morgan (@piersmorgan) August 18, 2020
Um 9,9 milljón manns í Wuhan hafa gengist undir skimun við veirunni. Í borginni eru engar reglur um stórar samkomur. Þrátt fyrir að stór hluti borgarbúa hafi verið skimaðir er enn hætta á að veiran komi til borgarinnar annars staðar frá segir smitsjúkdómasérfræðingur frá Ástralíu. „Vandamálið er að við höfum ekki upprætt sjúkdóminn.“
Í dag eru tilfellin rúmlega 22 milljónir og dauðsföllin tæplega 778 þúsund á heimsvísu.
