Streymisveitan Netflix nýtur sívaxandi vinsælda hér á landi. Þar er boðið upp á ótakmarkað streymi af sjónvarpsþáttum og kvikmyndum gegn mánaðargjaldi. Gjaldið er ekki hátt miðað við, ódýrasti aðgangurinn kostar rúmlega 1.100 krónur á mánuði en dýrasti rúmar 1.700 krónur, en það er talsvert ódýrara en aðgangur að innlendum veitum á borð við Vodafone Play og Sjónvarp Símans Premium, hins vegar er ekki boðið upp á mikið íslenskt efni og efni með íslenskum texta er takmarkað. Til þess að fá Netflix þarft þú að hafa nettengda tölvu eða spjaldtölvu sem getur notað Netflix-smáforritið, nettengt snjallsjónvarp eða tæki á borð við Apple TV. Þú þarft einnig að vera með netáskrift sem heimilar mikið erlent niðurhal þar sem flest efni á Netflix er hýst í Hollandi. Þegar þú hefur nálgast Netflix forritið þá býrðu til aðgang og kaupir þér áskrift í gegnum netið með debet- eða kreditkorti.

Netflix er þegar byrjað að breyta því hvernig fólk neytir sjónvarps, Netflix birtir heilar þáttaraðir í einu sem hefur leitt til þess að fólk, yngra fólk sérstaklega, er hætt að bíða eftir næsta þætti heldur horfir á heilar þáttaraðir í röð. Auðvitað er þó erfitt að segja hvort kom á undan hænan eða eggið. Netflix framleiðir sína eigin þætti, má þar nefna House of Cards og Stranger Things. Einnig er boðið upp á gríðarlegt magn af þáttum og kvikmyndum, eitthvað af efninu er með íslensku tali eða íslenskum texta, en ekki allt.