Alice Burton Bradford, 27 ára, lést skyndilega í júní. Hún lést af völdum flókinna efnaskiptavandræða sem komu upp eftir að hún drakk áfengi á fastandi maga. Auðvelt er að meðhöndla þessi efnaskiptavandræði ef hratt er brugðist við.

Þessi efnaskiptavandræði verða oftast þegar fólk drekkur áfengi á tóman maga. The Sun skýrir frá þessu.

Fram kemur að vinir Alice, sem bjó í Brighton, segi að hún hafi ekki verið áfengissjúklingur, þvert á móti var hún heilsufrík sem stundaði hjólreiðar og hlaup.

Hún virðist hafa fengið sér áfengi á tóman maga, hafði ekki borðað allan daginn. Við það losnaði um ákveðnar sýrur í maga hennar og dró það hana til dauða. Þetta gerðist mjög hratt að sögn vina hennar, hún hafi aðeins komist út í garð en þar missti hún meðvitund og lést síðan.