„Mörg fyrirtæki og að sjálfsögðu einstaklingar líka koma til okkar í desember til að kaupa jólagjafir. Mörg pör velja líka fremur að kaupa sér sameiginlega jólagjöf fyrir heimilið fremur en gefa hvort öðru gjafir og hér er einstakt úrval af list fyrir heimilin.“
Þetta segir Gunnar Helgason, framkvæmdastjóri Gallerís Listar, Skipholti 50a, sem er elsta starfandi gallerí á landinu. Gallerí List hefur til sölu verk yfir 50 íslenskra listamanna og starfar undir kjörorðinu „eitthvað alveg einstakt“ eða eins og segir á heimasíðu gallerísins:
„Í fjöldaframleiddum heimi bregður einhverju einstöku við öðru hvoru. Gallerí List sérhæfir sig í einstökum verkum eftir íslenska listamenn. Hjá okkur finnur þú eitthvað alveg einstakt.“
Gallerí List býður upp á listmuni á ótrúlega breiðu verðbili, eða allt frá 3.000 og upp í milljónir króna. Því geta allir fundið eitthvað við sitt hæfi þegar kemur að fallegum og einstökum jólagjöfum. Meðal annars býður galleríið upp á mikið úrval af keramikverkum.
„Sérhver hlutur sem er keyptur hér til gjafa verður um leið eins konar gjafabréf, því sá sem fær gjöfina getur skipt henni út fyrir hvað sem er í galleríinu og þá höfum við úr svo mörgum listamönnum að velja. Þannig að enginn situr uppi með verk sem honum ekki líkar,“ segir Gunnar.
„Desember er orðinn langstærsti mánuðurinn í sölu á listmunum, og þótt úrval verka hjá okkur sé gott allan ársins hring þá er það þannig að úrvalið er aldrei betra en í desember, af þeirri ástæðu hvet ég fólk sem hefur áhuga á listmunum að kynna sér úrvalið í jólamánuðinum,“ segir Gunnar.
Gallerí List býður upp á vaxtalaus lán til listmunakaupa.
Hægt er að kynna sér listamenn og verk þeirra á heimasíðu gallerísins www.gallerilist.is og á Facebook-síðunni www.facebook.com/Gallerí-List.
