Jose Mourinho, stjóri Tottenham, ætlar að brjóta eins metra regluna í kvöld fyrir leik gegn Everton.

Mourinho mætir þar góðvini sínum Carlo Ancelotti en hann tók við Everton á síðasta ári.

Portúgalinn ætlar ekki að halda fjarlægð og mun fara beint í að faðma vin sinn.

,,Ég held að allir í knattspyrnuheiminum dáist að Carlo sem þjálfara og sem manneskju,“ sagði Mourinho á blaðamannafundi.

,,Ef þú þekkir hann ekki sem manneskju þá þekkirðu hann allavega sem stjóra. Mér líkar svo vel við hann. Hann er einn af topp stjórunum undanfarna tvo áratugi.“

,,Hann er frábær náungi og ég ætla að brjóta eins metra regluna og faðma hann því mér líkar svo vel við hann.“