„Lagið er mitt fyrsta jólalag þannig séð. Mitt fyrsta jólasóló að minnnsta kosti,“ segir Einar Ágúst. „Ég hef áður sungið meðal annars Handa þér með Gunnari Ólasyni fóstbróður mínum úr Skítamóral, Jól eftir jól með Gogga Mega úr Latabæ og eitt jólalag með Helgu Möller.“
Um undirleik sjá félagar Einars Ágústs sem voru með honum í hljómsveit sem hét Englar sem var starfandi rétt eftir árið 2000 þegar Skítamórall fór í frí. „Þar má fremstan í flokki telja Kristján nokkurn Grétarsson gítarleikara, son Grétars Örvarssonar úr Stjórninni sem er nú sonur ekki ófrægari manns enn Örvars heitins Kristjánssonar harmonikkuleikara. Um bassaleik sá Birgir Kárason, trommur og slagverk spilaði Benedikt Brynleifsson sem meðal annars er einhverskonar „hústrommari“ Rigg viðburða og margra annara og er hann til að mynda í hljómsveitinni 200.000 Naglbítum,“ segir Einar Ágúst.
Það er svo undrabarnið Þórir Úlfarsson sem leikur á hljóðgervla og orgel. Upptökustjórn var í höndum Haffa Tempó og það er lagahöfundurinn sjálfur sem syngur bakraddir. Kiddi Grétars, Biggi og Benni sem eins og áður fyrr kom fram voru með Einari Ágústi í Englum útsettu lagið.
Tendrum minningar er komið á Soundcloud og kemur á Spotify á næstu dögum. „Það er vonandi að þetta leggist vel í landann og verði spilað um ókomna tíð. Ég hef fulla trú á því og það er ekkert víst að það klikki,“ segir Einar Ágúst eldhress og vitnar í sólóplötu hans sem kom út árið 2007.
Leikur sjálfan sig í kvikmynd
„Ég var að leika í minni fyrstu kvikmynd sem kemur að öllum líkindum í kvikmyndahús í febrúar og ber heitið Fullir vasar og skartar helstu Snapchat-stjörnum landsins í aðalhlutverkum: Hjálmari Erni, Aroni mola og strákum úr Áttunni ásamt því sem Laddi, Helga Braga og margir aðrir landsþekktir aðilar leika minni hlutverk,“ segir Einar Ágúst.
„Ég og Kalli Bjarni, leikum nú bara sjálfa okkur enn það má segja að saman….eða nei Í SITTHVORU LAGI MEIRA AÐ SEGJA eigum við íslandsmet innanhús sí uppábakdrulli í celeb-bransanum hér áður fyrr. Í myndinni fáum við að leika sjálfa okkur einfaldlega, þessa einlægu og hvatvísu drengi sem við höfum verið í gegnum tíðina þó öldin sé nú allt önnur í dag. Nú er aldeilis fortíðin að banka góðlega upp á enn ekki með yfirgangi og frekju og gera fyrir okkur gott mót,“ segir Einar Ágúst.
