fbpx
Laugardagur 05.apríl 2025
Pressan

Frakkar drápu einn helsta leiðtoga al-Kaída í Afríku – Hvað var hann að gera í Malí?

Kristján Kristjánsson
Fimmtudaginn 18. júní 2020 07:01

Franskir hermenn við skyldustörf. Mynd:EPA-EFE/IAN LANGSDON

Ekki missa af Helstu tíðindum dagsins í pósthólfið þitt

Lesa nánar

Í síðustu viku tilkynntu frönsk stjórnvöld að franskir hermenn hefðu drepið Abdelmalek Droukdel einn helsta leiðtoga hryðjuverkasamtakanna al-Kaída í Norður-Afríku. Þetta er sagt vera mikið áfall fyrir hryðjuverkasamtökin. Nafn leiðtogans hringir kannski ekki bjöllum hjá mörgum hér á landi en hann var eins og fyrr segir einn helsti leiðtogi al-Kaída í Afríku og var ofarlega á lista yfir þá hryðjuverkamenn sem yfirvöld í mörgum Afríkuríkjum vildu gjarnan handsama eða drepa.

Það var þann 3. júní sem frönsku sérsveitarmönnum tókst að hafa uppi á Abdelmalek Droukdel í Malí og drepa hann. Auk hans felldu Frakkarnir fjölda fylgdarmanna hans og aðra háttsetta leiðtoga al-Kaída. Það voru upplýsingar frá bandarískum leyniþjónustustofnunum sem komu þeim á sporið. Droukdel var æðsti leiðtogi al-Kaída í Norður-Afríku í rúmlega 15 ár. Hann var til dæmis einn helsti leiðtogi hryðjuverkamanna sem náðu norðurhluta Malí á sitt vald 2012. Í kjölfarið hófu Frakkar hernað í landinu.

Akram Kherif, blaðamaður frá Alsír og sérfræðingur í varnar- og öryggismálum, þekkir vel til al-Kaída og aðgerða samtakanna í Afríku. Hann segir drápið á Droukdel vera „þungt högg“ fyrir samtökin. Le Monde hefur þetta eftir honum.

Droukdel var sjálfur mjög fær sprengjusérfræðingur og er sagður hafa búið til mikið af því sprengiefni sem hefur verið notað á síðustu áratugum í hryðjuverkaárásum í löndum á borð við Alsír, Máritaníu, Malí og Níger.

CNN segir hann hafa séð um fjármögnun, skipulagningu og framkvæmd hryðjuverka í Norður-Afríku.

Það hefur valdið vangaveltum hjá mörgum sérfræðingum hvað Droukdel var að gera í Malí en hann hafði árum saman leynst í torfærum fjöllum í Alsír. Ein helsta kenning sérfræðinganna er að hann hafi farið til Malí í tengslum við stigvaxandi átök al-Kaída og Íslamska ríkisins á svæðinu. samtökin berjast sífellt meira gegn hvort öðru til að reyna að auka áhrif sín.

Auk þess að drepa Droukdel handsömuðu franskir hermenn einn af leiðtogum Íslamska ríkisins á svæðinu. Sérfræðingar telja hugsanlegt að drápið á Droukdel og handtaka leiðtogans verði til að kynda enn frekar undir átökum hryðjuverkasamtakanna.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Afhjúpa sannleikann um hvernig Trump reiknaði út tollana og það hefur ekkert að gera með raunverulega tolla annarra þjóða

Afhjúpa sannleikann um hvernig Trump reiknaði út tollana og það hefur ekkert að gera með raunverulega tolla annarra þjóða
Pressan
Í gær

Fékk áfall þegar hún sá hvað eins árs sonur hennar var að borða – „Þegar sonur þinn borðar pabba þinn“

Fékk áfall þegar hún sá hvað eins árs sonur hennar var að borða – „Þegar sonur þinn borðar pabba þinn“
Pressan
Fyrir 2 dögum

1,5 milljónum mynda lekið frá stefnumótaöppum

1,5 milljónum mynda lekið frá stefnumótaöppum
Pressan
Fyrir 2 dögum

Spænska lögreglan varar ferðamenn við – Gætið ykkar á 50 evru brellunni

Spænska lögreglan varar ferðamenn við – Gætið ykkar á 50 evru brellunni
Pressan
Fyrir 3 dögum

Gómaði Teslu-skemmdarvarg og lét hann heyra það – Sjáðu myndbandið

Gómaði Teslu-skemmdarvarg og lét hann heyra það – Sjáðu myndbandið
Pressan
Fyrir 3 dögum

Varpa upp skýrari mynd af arkitekt dauðans – „Við kölluðum hann „Elsku Rex““

Varpa upp skýrari mynd af arkitekt dauðans – „Við kölluðum hann „Elsku Rex““
Pressan
Fyrir 4 dögum

„Breaking Bad“ aðdáandi handtekinn – Tók þættina sér til fyrirmyndar

„Breaking Bad“ aðdáandi handtekinn – Tók þættina sér til fyrirmyndar
Pressan
Fyrir 4 dögum

Meðhöfundur Adolescence bregst við „fáránlegri“ kenningu sem Elon Musk hefur dreift

Meðhöfundur Adolescence bregst við „fáránlegri“ kenningu sem Elon Musk hefur dreift