Þann 22. maí birti hið virta vísindarit The Lancet rannsókn þar sem fram kom að dánartíðnin væri hærri hjá kórónuveirusmituðum ef þeir fengu meðferð með malaríulyfinu hydroxyklorokin. Samkvæmt niðurstöður rannsóknarinnar jókst dánartíðnin um 45 prósent ef lyfið og sýklalyf voru notuð og líkurnar á gáttatifi um 400 prósent.
En nú er komið í ljós að gögnin sem rannsóknin er sögð byggjast á eru ansi vafasöm.
Þessi undarlega rannsókn var gerð af litlu fyrirtæki sem heitir Surgisphere en þar starfa 11 manns. Klámstjarna er markaðsstjóri þess og annar ritstjóri vísindarannsókna fyrirtækisins lést fyrir tveimur árum og hinn lifir af að skrifa vísindaskáldsögur.
Fyrirtækið segist hafa gögn 96.032 sjúklinga frá öllum heiminum sem hafi verið notuð í rannsókninni. Sjúklingarnir höfðu að sögn notað malaríulyfið eitt og sér eða með einhverjum sýklalyfjum.
Margir vísindamenn eru hins vegar mjög hissa á gögnunum og 180 skrifuðu opið bréf þar sem þeir gagnrýndu gögnin, sem innihéldu meðal annars ranga dánartölu, og spurðu hvernig svona lítið fyrirtæki gæti lokið svona stórri rannsókn á svo skömmum tíma.
Þetta varð til að fyrirtækið breytti millireikningum en lét niðurstöðuna standa óhaggaða. Malaríulyfið er hættulegt fyrir kórónuveirusmitaða.
Þann 5. júní dró The Lancet rannsóknina til baka.
En ekki nóg með að The Lancet hafi birt rannsóknina heldur gerði New England Journal of Medicin, sem er virtasta vísindarit heims, það einnig. Það er því ljóst að hjá báðum ritunum sváfu menn á verðinum.
