Þessar kjötbollur eru í miklu uppáhaldi á mínu heimili. Ég hendi oft í kúrbítspasta með til að seðja kolvetnisfíknina á hollan máta og kjafnvel gallharðir pastaunnendur eins og eiginmaður minn kvarta ekkert.

Bollur:
500 g gott nautahakk
3 msk. rifinn parmesanostur
3 msk. möndlumjöl
3-4 msk. söxuð basilíka
1 msk. ítalskt krydd
1 tsk cajun bbg krydd frá Pottagöldrum eða annað kjötkrydd
2 egg (hrærð létt með gafli)
½ hvítlaukur pressaður
Salt og pipar eftir smekk
Olía til steikingar 

Sósa
2 dósir hakkaðir tómatar
4 msk tómatpúrra
2 hvítlauksrif
1 msk ítlaskt krydd
1 msk fersk basilíka
4 msk rjómaostur
salt og pipar eftir smekk 

Meðlæti
1 stór Kúrbítur
Parmesan til að toppa

1. Bollur
   Setjið öll hráefnin í bollurnar í skál og vinnið vel saman með höndunum.
   Mótið bollur og steikið upp úr olíu svo þær fái stökka áferð og eldist í gegn.
   Setjiðbollurnar til hliðar.
   
   2. Sósa.
   Steikið hvítlaukinn í 2 mínútur upp úr olíu.
   Bætið því næst öllum hinum innihaldsefnunum saman við og látið malla í 15-20 mínútur.

Bætið bollunum út í heita sósuna, toppið með ferskum parmesan og basil og berið fram með kúrbítsspagetti.

Kúrbítspasta er bara kúrbítur sem „yddaður“ er með þar til gerðum spíral sem fæst t.d. í rúmfó og kokku. Munið bara að þerra strimlana og kreista úr þeim mesta vatnið og salta aðeins. Og já ekki elda það neitt – kúrbíturinn er bestur hrár! Þú trúir því ekki fyrr en þú smakkar!