Breski læknirinn Alan Courtney starfar á gjörgæsludeild sjúkrahúss í Lundúnum. Þar hefur hann undanfarið þurft að glíma við aðstæður sem hann hafði aldrei séð fyrir sér að þurfa að upplifa. Í samtali við Sky News lýsti hann því að suma daga hafi 40% af innlögðum sjúklingum verið heilbrigðisstarfsfólk og að sjúklingar sem átti að fara að útskrifa hafi skyndilega látist af völdum veirunnar skæðu. Þá lýsti hann því einnig hvernig sjúklingar hafa orðið að vera einir á dánarbeðinu.

Einn sjúklingurinn á deildinni hans var gjörgæsluhjúkrunarfræðingur af deildinni hans.

„Það tekur á sálina að sjá vinnufélaga berjast fyrir lífi sínu.“

Sagði hann og bætti við:

„Við vorum líka með 13 ára pilt sem fjölskyldan var ekki hjá þegar hann lést. Hann fékk ekki að kveðja.“

Hann sagði að veiran væri algjörlega ófyrirsjáanleg og að margir sem verða henni að bráð séu ungir og heilbrigðir.

„Við vorum með mann á fertugsaldri sem lést þegar við ætluðum að fara að útskrifa hann. Við höldum að hann hafi fengið blóðtappa í lungun.“