Nú glíma Íslendingar við kórónuveiruna eins og fjölmargar aðrar þjóðir. Samkomubann hefur ríkt á Íslandi undanfarið og ekki mælt með því að fara oft í matvöruverslun. Því hafa margir gripið á það ráð að kaupa sjaldnar inn og meira í einu. Þá kemur frystirinn að góðum notum, en það er ekki allt sem lifir góðu lífi í frysti. Hér eru nokkur dæmi um slík matvæli.
Það er í lagi að frysta egg en það er ekkert sérstaklega viturlegt að frysta þau í skurninni þar sem þau geta sprungið. Vökvinn í egginu getur blásið út í frosti með þeim afleiðingum að eggin springur. Leiðbeiningastöð heimilanna gefur þessar leiðbeiningar þegar á að frysta egg:
„Hægt er að frysta eggjarauður og eggjahvítur, í sitt hvoru lagi eða saman. Ef frysta á hvítur og rauður saman er ágætt að þeyta eggið létt og bæta út í sykri og salti (5 egg = 5 msk og 1 1/2 tsk salt). Sama gildir með rauður séu þær frystar sér, en eggjahvítur má frysta án sykurs og salts. Látið þiðna í kæliskáp.“
Kál er yfirleitt ferskt þegar það er keypt og því stökkt. Kál getur hins vegar orðið linnt og litlaust í frystinum og því ekki mælt með að frysta það.
Það er ýmislegt sem hægt er að setja í frysti aftur og aftur en ávextir og grænmeti er ekki eitt af því. Kaupið þessar vörur frekar frosnar úti í búð ef þið viljið geyma þær í frysti.
Það má alls ekki frysta kjöt aftur sem hefur verið í frysti og þiðnað. Það sama á við um fiskmeti. Ef þetta er gert geta myndast bakteríur í kjötinu og í besta falli minnkað gæði afurðanna.
Þessar vörur geta hlaupið í kekki ef þær eru frystar. Það er svo sem allt í lagi að frysta þær en hugsanlega verða þær ekki eins góðar fyrir vikið.
Hráar kartöflur virka ekki vel í frysti þar sem vatnið og sterkjan standa sig ekkert sérstaklega vel í frostinu.
Hér er í raun það sama uppi á teningnum og með kálið. Ef ferskar kryddjurtir eru frystar missa þær lit sinn og bragð og verða ofboðslega linar og aumingjalegar.
