Útgáfu spennusögunnar Umsátur eftir Róbert Marvin var fagnað á fimmtudaginn með útgáfuteiti í Eymundsson Kringlunni. Höfundur spjallaði við gesti um bókina, las upp úr henni og bauð upp á léttar veitingar.

Umsátur er þriðja bók Róberts en áður hefur hann sent frá sér spennusöguna Konur húsvarðarins og barnabókina Litakassinn. Róbert hefur skrifað fjölmargar smásögur og sigraði um árið í spennusmásagnakeppninni Gaddakylfan.

Umsátur greinir frá ungum lögreglumanni úti á landi sem fer að rannsaka gamalt mannshvarfsmál. Nánar má lesa um bókina hér.

Hér að neðan eru myndir úr útgáfuteitinu.

Eiríkur Brynjólfsson, formaður Hins íslenska glæpafélags, og Elísabet Einarsdóttir

Frá hægri: Auður Hafsteinsdóttir rithöfundur, Róbert Marvin höfundur Umsáturs, Ágúst Borgþór rithöfundur og blaðamaður, og Sigríður Ása Maack, eiginkona Róberts.

Góðir gestir og bókaunnendur: Ingibjörg Gunnarsdóttir og Björn Tryggvason

Létt yfir mönnum: Örn Þorvarðarson útgefandi hjá Draumsýn (t.v.) sem gefur út bókina, og Helgi Þorgils Friðjónsson myndlistarmaður