Tíu lög hafa verið valin til þátttöku í Söngvakeppninni 2020. Fimm lög etja kappi í fyrri undanúrslitum í Háskólabíói laugardaginn 8. febrúar og fimm lög viku síðar í seinni undanúrslitum 15. febrúar. Þau tvö lög sem hljóta flest atkvæði í símakosningu hvort kvöld tryggja sér sæti í úrslitum. Því keppa fjögur lög til úrslita í Laugardalshöll 29. febrúar og verður sigurlagið framlag Íslands til Eurovision. Framkvæmdastjórn Söngvakeppninnar getur þó sem fyrr bætt við einu lagi í úrslitin með því að draga fram svokallað „Wildcard“ eða „Eitt lag enn“ eins og það er kallað.
Kynnar keppninnar eru Björg Magnúsdóttir, Benedikt Valsson og Fannar Sveinsson.
Keppnin hefur vaxið og dafnað síðustu ár og í ár verður ekki slegið slöku við. Skemmtiatriði verða á öllum viðburðum og von er á erlendu Eurovision-atriði í úrslitinum í Höllinni sem tilkynnt verður um á næstu dögum.
Fólki gefst sem fyrr kostur á að vera á staðnum. Miðasala hefst fimmtudaginn 23. janúar á Twww.tix.is. Gunni og Felix áhorfendur í sal upp. Undanúrslitin og úrslitin verða í beinni útsendingu á RÚV.
Margir þekktir flytjendur taka þátt í ár auk upprennandi söngstjarna semstíga á svið í fyrsta sinn.
Lög, höfundar og flytjendur í Söngvakeppninni 2020
Fyrri undanúrslit í Háskólabíói – 8. febrúar
Ævintýri
Flytjandi: Kid Isak
Lag: Þormóður Eiríksson, Kristinn Óli Haraldsson og Jóhannes Damian Patreksson
Texti: Þormóður Eiríksson og Kristinn Óli Haraldsson
Augun þín
Flytjandi: Brynja Mary
Lag: Brynja Mary Sverrisdóttir og Lasse Qvist
Texti: Kristján Hreinsson
Almyrkvi
Flytjandi: DIMMA
Lag: DIMMA
Texti: Ingó Geirdal
Elta þig
Flytjandi: Elísabet
Lag: Elísabet Ormslev og Zoe Ruth Erwin
Texti: Daði Freyr
Klukkan tifar
Flytjendur: Ísold og Helga
Lag: Birgir Steinn Stefánsson og Ragnar Már Jónsson
Texti: Stefán Hilmarsson
Seinni undanúrslit í Háskólabíói – 15. febrúar
Gagnamagnið
Flytjendur: Daði og Gagnamagnið
Lag: Daði Freyr
Texti: Daði Freyr
Fellibylur
Flytjandi: Hildur Vala
Lag: Hildur Vala og Jón Ólafsson
Texti: Bragi Valdimar Skúlason
Oculis Videre
Flytjandi: Iva
Lag: Íva Marín Adrichem og Richard Cameron
Texti: Íva Marín Adrichem og Richard Cameron
Dreyma
Flytjandi: Matti Matt
Lag: Birgir Steinn Stefánsson og Ragnar Már Jónsson
Texti: Matthías Matthíason
Ekkó
Flytjandi: Nína
Lag: Þórhallur Halldórsson og Sanna Martinez
Texti: Þórhallur Halldórsson og Einar Bárðarson
Í þættinum Kynningarþáttur Söngvakeppninnar sem sýndur verður á RÚV í kvöld verður fjallað um höfunda og flytjendur og spiluð brot úr lögunum. Eftir þáttinn verður svo hægt að hlusta á öll lögin, lesa textana og sjá upplýsingar um flytjendur og höfunda á www.songvakeppnin.is. Tónlistin með lögunum úr keppninni verður líka aðgengileg á Spotify kl. 20.00 í kvöld.
