fbpx
Laugardagur 19.apríl 2025
Fréttir

Ólína tók þátt í aðgerðunum í nótt: Sumir munu kannski aldrei jafna sig – „Börnin óttuðust um líf sitt“

Ritstjórn DV
Miðvikudaginn 8. janúar 2020 14:01

Ekki missa af Helstu tíðindum dagsins í pósthólfið þitt

Lesa nánar

„Ég þykist vita að það muni taka marga sem lentu í þessu langan tíma að jafna sig eftir þetta. Sumir jafna sig kannski aldrei,“ segir Ólína Þorvarðardóttir, fyrrverandi þingmaður og björgunarsveitarmaður, en hún tók þátt í aðgerðunum á Langjökli í gærkvöldi og í nótt.

Eins og greint hefur verið frá lentu 39 ferðamenn í miklum ógöngum í vélsleðaferð við Langjökul í gærkvöldi. Fólkið var í ferð á vegum ferðaþjónustufyrirtækisins Mountaineers of Iceland, en varað hafði verið við miklu óveðri áður en haldið var í ferðina.

„Að baki er erfið nótt í blind-þreifandi-byl undir Bláfellshálsi og Langjökli. Nótt sem einkenndist af ótta og ugg um afdrif 39 manns sem ýmist grafin í fönn eða skjálfandi upp við hvort annað í óupphituðum vélarvana bíl, börn og fullorðnir, biðu björgunar í allan gærdag og fram á nótt. Veðrið var hreint út sagt ólýsanlegt og með ólíkindum að björgunaraðilum skyldi yfirleitt takast að athafna sig með þeim árangri að allir virðast ætla að komast heilir á húfi frá þessari þrekrraun,“ segir Ólína í pistli sem hún birti á Facebook-síðu sinni.

Ólína segir að þegar hún og félagar hennar úr björgunarsveitinni Ingunni á Laugarvatni hafi komist í skálann í Geldingafelli hafi verið sett upp hjálparstöð í skálanum sem var fyrsti áfangastaður hópanna á langri og seinfarinni ferð til byggða. Hún segir að ferðin í Geldingafell hafi verið erfið og tekið nokkra klukkutíma. Bylur hafi verið á svæðinu og björgunarsveitarmenn skipst á að ganga á undan björgunarsveitarbílnum.

Ólína segir að fólkið sem bjargað var hafi verið skelkað, eðli málsins samkvæmt.

„Fólkið var hrakið, hrætt og þreytt. Margir með augljós einkenni ofkælingar. Til allrar hamingju var hægt að færa það úr vosklæðunum, koma því í þurra kuldagalla og gefa heita drykki áður en lengra var haldið. Síðan var haldið áfram með fólkið í fjöldahjálparstöð á Gullfossi þar sem það fékk læknisaðstoð og faglega aðhlynningu. Það ferðalag var seinlegt og erfitt enda aðstæður eins og þær verða verstar í grimmdarklóm íslenskrar vetrarveðráttu.“

Eins og áður segir telur Ólína að það muni taka marga langan tíma að jafna sig eftir, sumir munu kannski aldrei jafna sig. „Sárast finn ég til með börnunum sem sannarlega óttuðust um líf sitt og höfðu ríka ástæðu til. Þetta var sannkölluð skelfingarnótt en það vakti einhver verndarhönd yfir aðgerðum á vettvangi í gær. Guði sé lof fyrir giftusamlega björgun við erfiðustu veðuraðstæður sem orðið geta á Íslandi.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Hrottaleg nauðgun á annan í jólum

Hrottaleg nauðgun á annan í jólum
Fréttir
Í gær

Landsnet hvetur starfsfólk til að tilkynna um lögbrot og ámælisverða háttsemi

Landsnet hvetur starfsfólk til að tilkynna um lögbrot og ámælisverða háttsemi
Fréttir
Í gær

Guðmundur Ingi ver framhaldsskólafrumvarpið – „Ekki stendur til að hætta að líta til námsárangurs“

Guðmundur Ingi ver framhaldsskólafrumvarpið – „Ekki stendur til að hætta að líta til námsárangurs“
Fréttir
Fyrir 2 dögum

Misþyrmdi stjúpsonum sínum margsinnis á löngu tímabili

Misþyrmdi stjúpsonum sínum margsinnis á löngu tímabili
Fréttir
Fyrir 2 dögum

Mafíuleg aftaka í Róm – Kínverskur glæpaforingi skotinn til bana ásamt eiginkonu sinni

Mafíuleg aftaka í Róm – Kínverskur glæpaforingi skotinn til bana ásamt eiginkonu sinni
Fréttir
Fyrir 2 dögum

Vitni segja dótturina hafa beitt foreldra sína líkamlegu ofbeldi

Vitni segja dótturina hafa beitt foreldra sína líkamlegu ofbeldi
Fréttir
Fyrir 2 dögum

Zelenskyy heyrir Rússa hvísla þegar J.D. Vance öskrar

Zelenskyy heyrir Rússa hvísla þegar J.D. Vance öskrar