Ed Woodward, stjórnarformaður Manchester United hefur greint frá því að hann hafi þurft að hafna beiðni Jose Mourinho um að kaupa leikmenn til félagsins. Hann vilji oftast styðja stjórann sinn en þarna var það ekki í boði.

Woodward gerði þetta sumarið 2018 sem var upphafið að endalokum Mourinho. Stjórinn vildi kaupa miðvörð en fékk það ekki, félagið taldi sig hafa verslað nóg í þá stöðu fyrir hann.

,,Það er rétt að við vorum ekki alltaf á sama máli, það voru einn eða tveir leikmenn sem Mourinho vildi fá en teymið sem skoðar leikmennina vildi ekki,“ sagði Woowdard.

Um er að ræða Toby Alderweireld, Jerome Boateng og Diego Godin en Mourinho var til í allt, hann vildi bara fá varnarmann.

,,Ég verð stundum að segja nei, það er aldrei gaman. Okkar hugsun er alltafa að styðja við stjórann, alltaf. Stundum þurfum við að hlusta á sérfræðinga okkar á markaðnum líka.“

Mourinho var rekinn nokkrum mánuðum síðar en var í síðustu viku ráðinn stjóri Tottenham.