Þá er maður byrjaður að baka fyrir jólin og að sjálfsögðu er það sykulaust. Þessi uppskrift er súpereinföld og gaman að gera saman. Verst hvað deigið er gott eitt og sér.

Þessi uppskrift kemur frá mömmu og hún var vön að baka þessar hver jól. Hún sá uppskriftina upphaflega í Allt for damerne fyrir 50 árum eða meira. Þær eru víst ekki alveg eins og þessar íslensku en við vorum alltaf vitlaus í þær.

Spesíur

Hráefni:

225 g möndlumjöl
100 g smjör
50–75 g. fínmöluð sæta
sykurlausir súkkulaðimolar

Aðferð:

Hita ofninn á 200°C og setja smjörpappír á ofnplötur. Hnoða allt saman nema súkkulaðið og rúlla upp í stangir. Gott að geyma stangirnar í ísskáp í nokkra stund áður en þær eru skornar í skífur.

Kökunum raðað á bökunarplötu og skreyttar með litlum, sykurlausum súkkulaðimola. Ég notaði girni til að skera til að kökurnar missi ekki lögun og haldist hringlaga að mestu.

Baka í 8-10 mínútur en fylgjast vel með þeim þar sem ofnar eru misjafnir. Þær eru tilbúnar þegar örlítill gylltur blær hefur fallið á þær.

Endilega fylgið mér á Instagram þar sem ég dúndra reglulega inn uppskriftum.