Það þarf að gera stórátak fyrir veiðimenn á öllum aldri út um allt land og það strax næsta sumar. Fátt er skemmtilegra en að renna fyrir fisk og vera úti í náttúrunni.  Koma liðinu úr tölvunum . En það er bara alls ekki hægt og aðgengið er  mjög takmarkað.

Á Siglufirði er veiði  í gangi. Ungir  veiðimenn mega  bara renna fyrir fisk í Fjarðaránni eða  Holsánni sem hún heitir líka. Þetta er auðvitað toppurinn fyrir unga veiðimenn að hafa veiðiá fyrir sig og  þetta þarf að gera víða.

Stangaveiðifélag Reykjavíkur hefur staðið sig vel líka og verið með veiðidaga fyrir unga veiðimenn en það þarf að gera miklu,miklu meira.

,,Okkur langar að veiða meira, ekki bara silung, líka lax,“ sögðu ungir veiðimenn sem ég hitti í Borgarnesi í haust og þetta voru orð að sönnu.

,,Það er gaman að veiða, þú ert búinn að veiða á mörgum stöðum er það ekki. ,,Jú, sagði ég og við héldum áfram að tala saman, áhuginn var hjá en þeir vildu fara víðar að veiða. Það var ekkert skrítið allir vilja veiða meira. Þeir fá það vonandi meira með tíð og tíma.

Mynd  Frændurnir Helgi Þór Andrésson. Arni Rúnar Einarsson og Davíð Mar Andrésson með flotta fiska við Ytri Vik  við Akureyri. Mynd María Gunnarsdóttir.