,,Mikið af fugli á Þeistareykjasvæðinu og  á  föstudeginum var rjúpan á láglendinu og  ekkert sérstaklega stygg,“ sagði Bjarni Júlíusson er við spurðum um fyrstu dagana á rjúpunni en veiðin virðist hafa gengið víða vel.

,,Við gerðum prýðisveiði feðgarnir. Laugardagurinn var rólegri. Hóparnir höfðu tvístrast við atganginn deginum áður og voru nú smærri og dreifðari og síðast en ekki síst, var fuglinn nokkuð styggari en áður. Við heyrðum mikla skothríð úr Gæsafjöllum og fuglinn hafði greinilega fært sig af sléttunni og upp í fjöllin. Við bættum samt aðeins við og hættum mjög sáttir. Jólamaturinn kominn í hús og allir ánægðir eftir frábæra daga á fjöllum,“ sagði Bjarni ennfremur.

Á Holtavörðuheiðinni voru menn að fá þetta einn og uppí 8 fugla en hann var víst styggur þar. Margir voru líka á Bröttubrekku.

Á myndinni má sjá hana Dimmu koma með fugl til annars drengjanna minna. Hún skilaði sínu hún Dimma og sótti mikið af fugli fyrir okkur.  Þetta er það skemmtilegasta sem hún gerir.