Mohammad Bin Salman, krónprins frá Sádí Arabíu hefur áfram áhuga á að kaupa Manchester United ef marka má fréttir erlendis.

Mohamed bin Salman er mjög vel efnaður en talið er að Glazer fjölskyldan myndi skoða að selja United fyrir 4 milljarða punda. Það ætti að vera lítið mál fyrir Mohamed bin Salman en eigur hans eru metnar á 850 milljarða punda.

Bin Salman hefur fundað með Pini Zahavi, umboðsmanni sem hjálpaði Roman Abramovich að kaupa Chelsea. Sagt er að Bin Salman vilji eignast fótboltafélag í fremstu röð og hefur hann helst horft til United. Ástæðan er sú að hann vill keppa við eigendur Manchester City frá Abu Dhabi.

Talið er að Bin Salman sé klár í að greiða 3 milljarða punda en hann gæti mögulega komið United, í fremstu röð.

Hér að neðan má sjá liðið sem Bin Salman gæti sett saman en United er mjög skuldsett undir stjórn Glazer, það yrði ekki staðan hjá Bin Salman sem gæfi félaginu tækifæri til að fara enn harðar inn á leikmannamarkaðinn.