Stórleikur helgarinnar í ensku úrvalsdeildinni fór fram í gær á Old Trafford í Manchester. Manchester United fékk þá Lierpool í heimsókn en leiknum lauk með jafntefli.

Þetta var í fyrsta sinn á tímabilinu sem Liverpool tapar stigum í deildinni. Marcus Rashford skoraði fyrsta mark leiksins fyrir United nokkuð seint í fyrri hálfleik. Staðan var 1-0 þar til á 85. mínútu en Adam Lallana tryggði gestunum þá eitt stig. Lokastaðan, 1-1.

Fyrir leik mátti sjá leikmenn United og Liverpool faðmast og kyssast í göngunum, um var að ræða Fred og Andreas Pereira hjá Manchester United og Roberto Firmino og Fabinho hjá Liverpool.

Allir koma þeir frá Brasilíu og ekki útilokað að þeir séu talsvert að eyða tíma saman utan vallar, Roy Keane fyrrum fyrirliða United blöskraði þetta. Hann sjálfur var og er harðhaus af gamla skólanum, þar kaupa menn ekki svona „vitleysu“.

,,Þú ert á leið í stríð, faðmlög og kossar. Ekki horfa á þá,“ sagði Keane reiður.

,,Þú ert á leið í stríð en ferð að faðma þá, talaðu kannski við þá eftir leik. Kannski er best að tala bara ekkert við þá.“

Myndir af þessu má sjá hér að neðan.