Gildir 20. – 26. október
Hrútur
21. mars–19. apríl
Hrútar eru bara með tvo gíra – fimmta og sjötta. Þeir fara annaðhvort hratt eða ofurhratt í gegnum lífið og allt sem því fylgir. Í þessari viku þarftu hins vegar að setja þig í lægri gíra til að leysa ákveðið verkefni sem krefst þolinmæði. Það er ekki þín sterkasta hlið en stundum er gott að koma sjálfum sér skemmtilega á óvart.
Naut
20. apríl–20. maí
Þú er ansi hreinskilin/n og það getur oft verið mikill kostur. Nú lendur þú í félagsskap fólks sem þú þekkir ekki nógu vel til að koma hundrað prósent hreint fram. Einhverjir í þessum félagsskap eru hörundsárari en gerist og gengur og því þarft þú að gæta orða þinna. Vissulega finnst þér það erfitt en stundum þarf að kyngja stoltinu til að komast lengra.
Tvíburar
21. maí–21. júní
Þú ert búin/n að vera í góðu jafnvægi undanfarið en allt í einu er líkt og stormur skelli á sálina og þú sveiflast á milli gleði og depurðar. Þú skalt hafa hugfast að oft geta veggir verið með eyru. Ef þú deilir heimili með öðrum, tala nú ekki um lítil börn sem heyra allt, skaltu gæta orða þinna og hvernig þú talar um náungann.
Krabbi
22. júní–22. júlí
Þú ert svo dásamlegur að eðlisfari, elsku krabbi, og ert boðinn og búinn að veita hjálparhönd. Það eru sérstaklega margir í þessari viku sem þurfa öxl að gráta á og auðvitað ert þú fyrsta manneskjan á staðinn. Þú þarft samt að passa þig. Góðmennska þín og samkennd er ekki botnlaus. Stundum þarft þú líka að vera góð/ur við þig sjálfa/n.
Ljón
23. júlí–22. ágúst
Þú hefur verið að vinna að verkefni með ákveðnum aðila, hvort sem það er í vinnu eða einkalífi, og kemst á snoðir um að þessi aðili sé ekki allur þar sem hann er séður. Það er sárt, enda skiptir þessi manneskja þig miklu máli. Þú skalt halda spilunum aðeins að þér og sjá hvernig rúbertan spilast áður en þú grípur til aðgerða.
Meyja
23. ágúst–22 .sept
Það kemur ekki á óvart að meyjur eru fullkomnunarsinnar en þú ert einstaklega óhaggandi í þessari viku. Þú vilt bara að hlutirnir séu gerðir rétt (lesist: á þinn hátt). Þú skalt varast að skjóta ekki hugmyndir niður og hafðu frekar samskipti við vinnufélaga og fjölskyldu með opnum huga. Stundum hefur þú nefnilega ekki rétt fyrir þér.
Vog
23. sept–22. okt
Þig langar að breyta til á heimilinu en þú skalt varast að fara í stórtækar breytingar sem kollvarpa öllu og gera heimilið að vígvelli. Þú skalt fremur einbeita þér að einu herbergi eða afmörkuðu svæði til að dytta að í rólegheitum. Þú þarft nefnilega að gera þér grein fyrir þínum takmörkunum, bæði hvað varðar tíma og fjármagn.
Sporðdreki
23. okt–21. nóv
Það nægir ekki að plástra vandamálin svo þau hverfi. Þetta veist þú mætavel. Hins vegar freistast þú oft til að loka vandamálin inni í staðinn fyrir að tala um þau. Í vikunni skaltu temja þér að tala um það sem þér liggur á hjarta. Það er aldrei gott að byrgja hluti inni því þá stækka þeir á methraða, svo mikið að plássið dvínar afar skjótt.
Bogmaður
22. nóv–21. des
Þú skalt velja þinn félagsskap afar vandlega, kæri bogmaður. Þú skalt einnig varast baktal og ekki tala um persónuleg mál í opnu rými. Haltu þínu fyrir þig og þína nánustu og varastu að verða of náin/n manneskju sem þú þekkir lítið. Ef þig vantar stuðning þá skaltu ávallt leita til þeirra sem hafa þekkt þig lengi og þú treystir fyrir lífi þínu.
Steingeit
22. des–19. janúar
Þú ert full/ur metnaðar og hefur augastað á vissri stöðu sem gæti komið sér vel fyrir þig í framtíðinni. En þú þarft að berjast um þessa stöðu og ef það er eitthvað sem þú kannt þá er það að berjast og það á heiðarlegan hátt. Heiðarleikinn á eftir að koma þér á þann stað sem þú vilt vera á og er sá eiginleiki sem þú mátt aldrei, aldrei gleyma.
Vatnsberi
20. janúar–18. febrúar
Ef það að þóknast öðru fólki takmarkar þinn þroska þá skalt þú hætta að reyna að þóknast því sí og æ. Þetta er ekkert flókið. Vatnsberinn vill hafa alla góða en stundum þarf maður að slíta sig úr því mynstri til að ná einhverjum framförum. Þú skalt líka fara vel yfir náin sambönd þín við fólk því sum þeirra gætu verið afar óheilbrigð.
Fiskar
19. febrúar–20. mars
Einhleypir fiskar eiga von á því að hitta töfrandi manneskju sem gjörsamlega heillar þá upp úr skónum. Þú skalt njóta daðursins og spennunnar en einnig hafa hugfast að þetta er ekki samband til framtíðar og þú veist það. Það þýðir ekki að það sé ekki hægt að skemmta sér – sérstaklega á köldum og löngum vetrarkvöldum.
20. október – Sigríður Vala Vignisdóttir lífskúnstner, 48 ára
21. október – Ingibjörg Haraldsdóttir þýðandi, 77 ára
22. október – Jón Óskar listamaður, 65 ára
23. október – Þóra Karítas Árnadóttir leikkona, 40 ára
24. október – Magnús Jónsson leikari, 54 ára
25. október – Björn Þorfinnsson blaðamaður, 40 ára
26. október – Gísli H. Guðjónsson réttarsálfræðingur, 72 ára
