Jack Grealish, leikmaður Aston Villa, er í umræðunni þessa stundina eftir mynd sem hann birti í gær.
Grealish er Englendingur og er landi Jesse Lingard sem spilar með Manchester United.
Þessi 24 ára gamli leikmaður birti í gær mynd af sér ásamt fyrirsætunni Jena Frumes sem er frá Bandaríkjunum.
Frumes er fyrrum kærasta Lingard en hún sparkaði honum fyrir nokkrum mánuðum síðan.
Frumes komst að framhjáhaldi Lingard og var ekki lengi að segja landsliðsmanninum upp.
Nú er útlit fyrir að Frumes sé komin með nýjan kærasta og er það annar leikmaður í ensku úrvalsldeildinni.
Þetta ku ekki vera vinsælt hjá Lingard en hann og Frumes voru saman í 15 mánuði.
