Fyrrverandi fegurðardrottningin Linda Pétursdóttir er umboðsaðili Miss World á Íslandi. Hún hefur valið frænku sína, Kolfinnu Mist Austfjörð, sem fulltrúa þjóðarinnar í keppninni sem verður haldin í London í desember.

Sjá einnig: Kolfinna vaknaði við öskur í Magnusi: „Ég vissi ekkert hvað væri í gangi í raunninni því hann gat ekkert tjáð sig“

Þetta kemur fram í tilkynningu frá Miss World Iceland. Ekki kemur fram hvernig Kolfinna var valin.

„Ég hef alltaf litið upp til Lindu; hún er bæði alveg yndisleg manneskja og svo er hún ótrúlega dugleg. Hún hefur reynst mér vel í undirbúningnum fyrir keppnna og svarar mér alltaf þegar ég þarf einhverja hjálp,“ sagði Kolfinna Mist í viðtali við Vikuna fyrir stuttu. Linda Pétursdóttir var valin Ungfrú Heimur árið 1988.

Í byrjun september var keppnin Miss Universe Iceland haldin og tók Kolfinna Mist þátt. Birta Abiba bar þar sigur úr býtum. Hugrún Birta Egilsdóttir var valin Miss Supernational og Hulda Vigdísardóttir var valin Queen Beauty.

Sjá einnig: Birta Abiba er Miss Universe Iceland 2019: „Allir eru fallegir sama hvernig þeir líta út að utan“

Sjá einnig: Langmestur áhugi á bikiníatriði keppenda – Barn síns tíma?