Gildir 6. – 12. október
Hrútur
21. mars–19. apríl
Þú þarft að taka á honum stóra þínum í vinnunni í þessari viku. Það er valdabarátta í uppsiglingu og þú átt mjög erfitt með að gefa eftir. Þér er hins vegar ráðlagt að gera það úr ýmsum áttum og þú skalt hlusta á þessar ráðleggingar. Stundum þarf maður að brjóta odd af oflæti sínu til að komast áfram og ná lengra.
Naut
20. apríl–20. maí
Þú ert áhættusækin/n um þessar mundir og langar til að komast út úr hversdeginum og í eitthvað nýtt. Þetta er góðs viti, því þú ert oft aðeins of heimakær. Þú skráir þig á kvöldnámskeið sem á eftir að opna fyrir þér nýja vídd. Þú býrð yfir miklum sjarma og krafti en þú þarft að nota hann rétt og á rétta fólkið til að ná þínu fram.
Tvíburar
21. maí–21. júní
Þeir tvíburar sem eru nýlega einhleypir og á höttunum eftir nýjum maka verða að varast að halda öllu fyrir sig. Þú mátt hleypa fólki inn í líf þitt á þínum forsendum en ef þú gefur ekkert af þér er þetta fólk fljótt að hlaupa í burtu. Fyrst og fremst þarftu að elska þig sjálfa/n áður en þú getur elskað annan á ný.
Krabbi
22. júní–22. júlí
Þú býrð yfir miklu og sterku innsæi sem kemur þér oftast vel. Nú, hins vegar, er manneskja í þínum innsta hring sem þú nærð alls ekki að lesa og það angrar þig. Þú ferð að efast um fyrirætlanir þessarar manneskju og það kemur þér úr jafnvægi. Þá er gott að fá smá fjarlægð frá þessari manneskju og einbeita sér að hinum sem þú lest eins og opna bók.
Ljón
23. júlí–22. ágúst
Þú þarft að passa þig á að vera ekki of fljótfær, hvort sem það er að skrifa stöðuuppfærslu í óðagoti á samfélagsmiðlum eða taka mikilvægar ákvarðanir í vinnunni. Þú þarft einnig að passa heilsuna núna. Þú þarft að komast meira út í ferskt loft og borða mat sem líkaminn elskar. Þá líður þér betur og öllum í kringum þig.
Meyja
23. ágúst–22 .sept
Þú hefur komist að því oft í gegnum tíðina að þú getur meira en þú heldur. Nú er enn og aftur kominn tími á að þú kannir takmörk þín og ýtir þér og þínum hæfileikum lengra. Þér finnst þú vera föst/fastur á stað sem þú vilt ekki vera á en skynsemin heldur þér þar. Er það virkilega þess virði að hlusta á skynsemina þegar hún lætur þér líða illa?
Vog
23. sept–22. okt
Þú ert rosalega góð/ur í að vera málamiðlari en þú verður að segja hug þinn ef þér finnst troðið á tám þínum. Þú þarft að opna þig meira, bæði í vinnu og einkalífi, og miðla því sem þú vilt í alvörunni. Ekki reyna alltaf að geðjast fólkinu í kringum þig og verða svo fyrir vonbrigðum þegar það skilur ekki hvað þú vilt.
Sporðdreki
23. okt–21. nóv
Þú skalt vara þig á að dæma fólk of fljótt. Að sama skapi skaltu ekki láta ginnast af gylliboðum. Ekki taka neinar stórar ákvarðanir sem varða fjárhaginn á næstunni. Ef eitthvert tilboð virðist vera of gott til að vera satt þá er það líklegast nákvæmlega það. Stóra tækifærið þitt kemur – sérstaklega ef þú velur það vel.
Bogmaður
22. nóv–21. des
Þú ert sérstaklega móttækileg/ur fyrir hópþrýstingi um þessar mundir en þú þarft að passa upp á sjálfstæði þitt. Ekki láta fagran róm og yfirbragð toga þig í burtu frá þínum lífsgildum. Stattu fast á þínu og ekki eltast við allt það nýjasta og besta. Það gæti komið þér í mikið klandur, sérstaklega ef einhver er að reyna að fá þig með í viðskiptatækifæri.
Steingeit
22. des–19. janúar
Þú ert ekki þekkt/ur fyrir mikið keppnisskap. Jú, þér finnst gaman að vinna en þú verður ekki sár þótt þú tapir. Á næstunni tekur þú hins vegar þátt í keppni sem þú þráir að vinna og þú þekkir ekki það keppnisskap sem umlykur þig. Mundu þá hið fornkveðna – ekki láta keppnisskapið hlaupa með þig í gönur.
Vatnsberi
20. janúar–18. febrúar
Nú þarftu aðeins að ýta á bremsuna og leyfa þér að vera til og slaka á. Þú ert búin/n að vera á fullu upp á síðkastið og nú er komið að skuldadögum. Þú þarft að horfa inn á við og spyrja þig hvað þú virkilega vilt úr þessu lífi. Viltu halda áfram eins og hamstur í hjóli eða viltu finna þinn stað þar sem ró og næði er partur af prógramminu?
Fiskar
19. febrúar–20. mars
Einhleypir fiskar eiga spennandi tíma í vændum. Manneskja sem þú hélst að væri bara á höttunum eftir vinasambandi miðlar því að hún vilji meira – smá rómantík og kertaljós ásamt tilheyrandi stuði í svefnherberginu. Í fyrstu ertu ekki viss en því meira sem þú sérð þessa manneskju í rósrauðum ljóma, því meira sannfærist þú um að þetta sé rétt.
6. október – Hjörvar Hafliðason fjölmiðlamaður, 39 ára
7. október – Erla Gunnarsdóttir bóndi, 43 ára
8. október – Tómas Þór Þórðarson sjónvarpsstjarna, 35 ára
9. október – GRE stjörnuvefari 44 ára
10. október – Logi Geirsson handknattleikskappi, 37 ára
11. október – Halla Tómasdóttir hagfræðingur, 51 árs
12. október – Hanna Birna Kristjánsdóttir, ráðgjafi á aðalskrifstofu UN Women, 53 ára
