Landsfundur Ungra vinstri grænna fór fram í Mosfellsdal 14.-15. september 2019.
Hreindís Ylva Garðarsdóttir Holm var endurkjörin formaður Ungra vinstri grænna til eins árs.
Í framkvæmdastjórn fyrir starfsárið 2019-2020 hlutu kjör: Andrea Ósk Sigurbjörnsdóttir Ásrún Ýr Gestsdóttir Jana Salóme Ingibjargar Jósepsdóttir Jónína Riedel Ólína Lind Sigurðardóttir Sigrún Birna Steinarsdóttir Í landsstjórn fyrir starfsárið 2019-2020 hlutu kjör: Dagrún Ósk Jónsdóttir Ester Helga Harðardóttir Eyrún Þórsdóttir Gunnhildur Fríða Hallgrímsdóttir Helgi Hrafn Ólafsson Rúnar Gíslason Valgerður María Þorsteinsdóttir
Samkvæmt tilkynningu fór einnig fram málefnavinna og stjórnarkjör auk þess sem flutt voru erindi um umhverfismál og stöðuna í málefnum intersex á Íslandi svo eitthvað sé nefnt.
Á seinni degi fundarins heimsóttu Guðmundur Ingi Guðbrandsson, umhverfis- og auðlindaráðherra, og Svandís Svavarsdóttir, heilbrigðisráðherra, fundinn og ræddu um komandi þingvetur og verkefnin framundan.
Ályktanir fundarins eru allar tengdar við heimsmarkmið Sameinuðu þjóðanna um sjálfbæra þróun þar sem Ung vinstri græn líta á það sem gríðarlega mikilvægt sameiginlegt verkefni allra að vinna að því að þau markmið náist.
Ályktanir fundarins voru um LÍN, lækkun kosningaaldurs, herstöðvar á Keflavíkurflugvelli, stöðu intersex fólks, líffræðilega fjölbreytni, Útlendingastofnun, aðgengi fatlaðra, dýraafurðir, loftslagsverkföll, lífskjör barna og fjórðu iðnbyltinguna.
