Það er mikill vöxtur í ferðamannaiðnaðinum í Asíu og samhliða því er farið að bera á skorti á flugmönnum. Á Filippseyjum er nú unnið hörðum höndum að því að fá fleiri konur til að leggja stund á flugnám til að mæta flugmannsskortinum.

Bloomberg skýrir frá þessu. Miðað við spár þá mun verða mikill skortur á flugmönnum. Boeing telur að þörf sé fyrir 266.000 flugmenn til viðbótar í Asíu fram til 2038. Nú þegar er farið að bera á skorti vegna vaxtar í ferðamannaiðnaðinum sem er meiri í Asíu en annarsstaðar í heiminum. Vöxturinn er svo mikill að flugfélögin geta ekki annað eftirspurn.

Skortur á flugmönnum er nú þegar farinn að valda því að flugfélög þurfa að fella niður ferðir og önnur eru byrjuð með sitt eigið flugmannsnám til að tryggja sér fleiri flugmenn.

Hjá Alpha Aviation Group, sem er stærsti flugmannsskólinn á Filippseyjum, er nú reynt að fá konur til að stunda flugmannsnám. Á brattann er að sækja miðað við stöðuna núna því aðeins einn af hverjum fimm nemendum eru kvenkyns. Á heimsvísu eru 3 prósent flugmanna konur.

Talsmenn skólans að mesta áskorunin sé að takast á við þá útbreiddu skoðun landsmanna að það séu aðeins karlmenn sem geta sótt um að komast í flugnám. Filippseyingar tala almennt góða ensku og það veitir góða möguleika til að mennta flugmenn sem geta starfað víða um heim.