Kieran Trippier, bakvörður Atletico Madrid er ekki sáttur með meðferina sem hann fékk hjá Tottenham á síðustu leiktíð.

Trippier fór að skynja það um mitt síðasta tímabil að Tottenham vildi selja hann, hann reyndi að fá svör en það gekki ekki vel.

Trippier var seldur til Atletico Madrid í sumar en Tottenham hafði fyrir löngu ákveðið að skipta honum út.

,,Ég ræddi við Pochettino um hans plön, ég fékk hvorki já eða nei frá honum. Þú ferð að skynja þetta,“ sagði Trippier sem fór að spila illa.

,,Stjórinn sagði ekki að hann vildi losa sig við mig, ég reyndi að ræða við framkvæmdarstjóra félagsins um þetta.“

,,Það er ekki gaman þegar þú veist að félagið vill selja þig, ég heyrði sögusagnir. Það er ekki gaman en svona er víst leikurinn.“