Fyrrverandi klámstjarnan Jenna Jameson er sjálfskipuð ketó-drottning og nýtur mikilla vinsælda á Instagram. Hún deilir þar ýmsu tengdu mataræðinu ásamt árangursmyndum, en hún hefur misst tæp 40 kíló síðan hún byrjaði á ketó.

Í nýjustu færslu segir hún að spurningin sem hún fær oftast er „hvernig byrja ég á ketó?“ Jenna gefur byrjendum tíu ráð:

Ráð nr. 1:

„Hreinsaðu ísskápinn og matarskápana. Hentu öllu sem er unnið, hátt í kolvetnum og með miklum sykri. Mundu að það eru mörg nöfn fyrir sykur, eins og háfrúktósa maíssíróp.“

Ráð nr.2:

„Farðu að versla! Þetta er skemmtilegi parturinn!“ Jenna segir að grænt laufgrænmeti, steikur (grass-fed steaks), villtur lax, egg og alvöru smjör séu vinir þínir.

Ráð nr. 3:

„Ræddu við fjölskyldu þína um nýja lífsstíl þinn og fáðu þau með þér í lið. Þið getið öll haft gott af því. Ég geri venjulega brún hrísgrjón eða pasta aukalega fyrir barnið mitt. Ef makinn þinn vill ekki vera með, spurðu hann þá að virða þínar þarfir og langanir og að reyna ekki að brjóta viljastyrk þinn.“

Ráð nr. 4:

„Tileinkaðu þér jákvætt viðhorf. Þetta ætti ekki að vera kvöl. Einbeittu þér að því að þú sért að gera líkama þínum gott og vertu stolt!“

Ráð nr. 5:

„Byrjaðu í þessu til langtíma. Ketó getur verið varanlegt og gagnast huga þínum eins og líkama þínum.“

Ráð nr. 6:

„Fylgdu öðrum ketó-drottningum og kóngum á Instagram. Uppáhaldið mitt er @ketoguido.“

Ráð nr. 7:

„Vertu þolinmóð. Líkami hvers og eins bregst öðruvísi við. Ég missti fyrstu 18 kílóin mjög hratt og síðan staðnaði ég og þurfti að byrja að fasta (e. intermittent fasting) til að komast yfir það.“

Ráð nr. 8:

„Ekki óttast ketó-flensuna. Drekktu nóg af „rafvökum“ (e. electrolytes), saltaðu matinn þinn og hvíldu þig.“

Ráð nr. 9:

„Google er vinur þinn. Ef þú ert að spá í kolvetnismagni, þá þarftu aðeins að googla það.“

Ráð nr. 10:

„Lestu alltaf utan á vörur! Það á eftir að koma þér á óvart hvað margar vörur fela kartöflu sterkju.“

https://www.instagram.com/p/B1Z09BuBblm/