Sky Sports segir frá því að allt bendi til þess að Alexis Sanchez fari á láni til Inter.
Inter vill fá Sanchez á láni og borga helming launa hans, Sanchez þénar vel hjá United.
Sagt er að Sanchez sé með 500 þúsund pund á viku, Inter mun borga 250 þúsund pund á viku. United greiðir hinn helminginn.
Sanchez er þrítugur en hann kom til United fyrir einu og hálfu ári. Hann hefur ekki fundið taktinn.
,,Sanchez hefur verið hræðilegur, ég veit ekki hvað kom fyrir hann. Þetta getur ekki verið annað en bróðir hans,“ sagði Gary Neville, sérfræðingur Sky Sports um stöðuna.
,,Ég veit ekki hver þetta er sem hefur klæðst treyju United, Solskjær þarf að losa sig við hann. Hann þarf að losa nokkra í ár og nokkra á næsta ári.“
