Paul Merson, sérfræðingur Sky Sports hefur haft samband við Harry Maguire varnarmann Manchester United.
Merson hafði gagnrýnt hann nokkuð harkalega á Sky Sports á laugardag, frammistaða Maugire í fyrsta leik með United fékk hann til að skipta um skoðun.
United borgaði 80 milljónir punda fyrir Maguire, félagið gerði hann að dýrasta varnarmanni fótboltans. Merson fannst United borga mikið, fyrir ekki betri leikmann.
,,Ég gagnrýndi hann nokkuð harkalega á laugardag, ef ég er heiðarlegur. Ég reyndi að hringja í hann í dag en hann sendi mér skilaboð, við ætlum að ræða saman á morgun;“ sagði Merson.
,,Ég var of harður við hann, það sem ég ætlaði að segja komst ekki alveg til skila. Það hljómaði ekki eins og ég ætlaði mér.“
,,Ég vanmat hann, ég ólst bara upp við varnarmenn sem áttu að sparka fram völlinn. Tony Adam, John Terry og þannig týpur.“
