Gerði grín að sjálfri sér
Hin dásamlega skemmtilega Adele varð 29 ára þann 5. maí síðastliðinn. Og auðvitað gerði hún grín að sjálfri sér og hækkandi aldri með því að klæða sig í gervi eldri konu og pósta myndum á Instagram og Twitter, með skilaboðunum: „Næstum 30 ára! Takk fyrir afmæliskveðjurnar. Sé ykkur bráðum.“
Þetta er ekki í fyrsta sinn sem Adele klæðir sig í gervi í tilefni afmælis hennar, því í fyrra fór hún í gervi vinar síns, George Michael og 2015 í gervi Jim Carrey úr kvikmyndinni The Mask.
