Þriggja barna móðir, sem var um tíma hataðasta kona Bretlands, vill að dóttir sín leggist undir hnífinn til að laga útlit sitt.

Carla Bellucci, 27 ára, varð hataðasta kona Bretlands eftir að hún viðurkenndi að hafa „reynt við“ lækna og þóst glíma við andleg veikindi til að láta ríkið greiða fyrir nefaðgerð. The Sun greinir frá.

Carla segir að nú sé hún að leggja pening til hliðar fyrir dóttur sína, svo hún geti farið í fegrunaraðgerð til að „verða fræg.“ Dóttir Cörlu, Tanisha, er aðeins fjórtán ára gömul.

Carla segir að hún sé að „gera ekkert rangt“ og hvetur einnig Tanishu til að láta laga í sér tennurnar og fara í brjóstastækkun. Hún væri einnig til í að Tanisha myndi fara í Brazilian Butt Lift, en sú aðgerð er afar áhættusöm. Talið er að einn af hverjum 3000 deyja af völdum hennar.

„Tanisha er ekki mjög akademísk, þannig mér er eiginlega alveg sama um menntun hennar, annað með syni mína,“ segir Carla. Hún á líka tvo stráka, Jermaine, 16 ára, og Jayden, 12 ára.

„Hún þarf að treysta á útlit sitt til að komast eitthvað áfram í lífinu þannig hún þarf að vera fullkomin. Ljótt fólk kemst ekkert áfram þessa dagana,“ segir Carla.

„Í augnablikinu elskar hún útlit Kardashian systra. Stór rass, stór brjóst og þrýstnar varir. Hún ætlar að fara í varafyllingu þegar hún er 16 ára, sem ég styð hundrað prósent. Ef hún vill ná árangri sem áhrifavaldur og raunveruleikastjarna þá þarf hún að líta út á ákveðinn hátt, og fegrunaraðgerðir eru augljósi kosturinn. Hún er myndarleg, en aðgerðir munu gera hana sætari.“

Carla telur að rass dóttur sinnar sé eina svæðið sem „þarfnast bætingar“ því hann er „mjög flatur“ og gæti hindrað hana að vinna við draumastarf sitt.

Þrátt fyrir að vita af hættum Brazilian Butt Lift, þá segir hún að „það eina sem skipti máli er að líta vel út.“

Mæðgurnar eru búnar að safna 220 þúsund krónum. Carla leggur 15 þúsund krónur á sparireikning þeirra í hverjum mánuði og Tanisha leggur inn pening sem hún fær í afmælis- og jólagjöf.

Samkvæmt Cörlu mun Tanisha fara í varafyllingar þegar hún verður 16 ára og líklegast fara líka í bótox á svipuðum tíma. Svo mun hún fara í brjóstastækkun þegar hún verður 18 ára.

Eins og fyrr segir þá var Carla um tíma hataðasta kona Bretlands, fyrir að ljúga að læknum til að fá ríkið til að greiða fyrir sig fegrunaraðgerð á nefi. Hún ætlar að reyna að fá ríkið til að greiða eitthvað í aðgerðum dóttur sinnar.

Tanisha segist trúa því að móðir hennar sé ekki að gera neitt rangt. Hún segist vilja vera „alveg eins og mamma“  og dreymir um að verða fræg svo hún geti tekið þátt í raunveruleikaþættinum Love Island.

„Ég veit hvað ég vill og ég mun finna bestu leiðina til að gera það. Að leggjast undir hnífinn veldur mér engum áhyggjum. Mamma hefur gert það og hún er í góðu lagi,“ segir Tanisha.