Titrarar, þarfaþing hverrar konu, njóta sífellt meiri vinsælda. Milljónir seljast á hverju ári og þessvegna er vert að hafa í huga að sumir titrarar geta reynst skaðlegir heilsu kvenna. Nú eða karla, ef ske kynni að tryllitækin væru á kafi í „skottinu“.
[Ný rannsókn] (https://www.choice.com.au/food-and-drink/food-warnings-and-safety/plastic/articles/plastics-and-food) bendir til þess að titrarar, sem eru framleiddir úr lélegu plasti, geti haft áhrif á innkirtla líkamans.

Það getur leitt til alvarlegra heilsufarsvandamála eins og ófrjósemi eða jafnvel krabbameins.

Samkvæmt rannsókninni getur plast, sem titrar eru framleiddir úr, innihaldið skaðleg efni á borð þalöt, bisphenol A, PVC og BPA – en þessi efni gera plastið sveigjanlegra og mýkra en ella. Þá kemur fram að þalöt séu sérstaklega algeng í kynlífsleikföngum.

Í grein Daily Mail um málið kemur fram að kaupendur kynlífsleikfanga ættu að vera meðvitaðir um hættuna og taka kaupákvarðanir með hana í huga. Til dæmis ættu neytendur að skoða verðmiðann því að mjög ódýr leikföng eru yfirleitt búin til úr verra plasti. Þá ættu kynlífsunnendur að velja frekar leikföng úr hörðu plasti, sílikoni eða málmum.

Að endingu ættu kaupendur að skoða vörumerkið. Alþjóðleg stór vörumerki eru líklegri til þess að bjóða uppá gæða vöru.