Gunnar með stofutónleika
Tónlistarhátíðin HEIMA 2017 var haldin í fjórða sinn í Hafnarfirði síðasta vetrardag. Hátíðin hefur fest sig í sessi sem skemmtileg og öðruvísi tónlistarhátíð, enda kemur fjöldi tónlistarmanna fram heima í stofu hjá Hafnfirðingum sem opna heimili sín fyrir gestum og gangandi. Á meðal þeirra sem fram komu í ár var tónlistarmaðurinn Gunnar Þórðarson, sem spilaði fyrir fullri stofu heima hjá Elvu Dögg og Ragnari að Austurgötu.