Listi yfir ríkasta fólkið í nokkrum Evrópulöndum
Á vef Time, má finna lista yfir ríkastu milljónamæringana í nokkrum Evrópulöndum. Listinn er byggður á lista Forbes yfir ríkasta fólk heims. Sumir milljaramæringanna á listanum hafa unnið sig upp frá litlum efnum. Aðrir byggja veldi sitt á aldagömlum auð. Hér að neðan er listinn talið frá þeim „fátækasta“ og upp. Upphæðirnar eru í breskum pundum þar sem erfitt er að koma fyrir öllum núllunum séu upphæðirnar reiknaðar yfir í íslenskar krónur. Svo svimandi háar eru þessar upphæðir.
Eigið fé: 804.000 bresk pund
Tiriac er fyrrverandi tennis- og íshokkíleikari sem hagnaðist á ýmiskonar viðskiptafjárfestingum eftir hrun kommúnismans í Rúmeníu árið 1989.
Eigið fé: 1,8 milljarðar breskra punda
Casiraghi er erfingi bjórveldis og er einnig hluti af konungsfjölskyldu Mónakó. Casiraghi erfði meirihluta auðs síns frá afa sínum sem seldi hlut sinn í Bavaria brugghúsinu árið 2005. Casiraghi er gift prinsinum Andrea Casiraghi sem er fjórði í röðinni að mónakósku krúnunni.
Eigið fé: 2,9 milljarðar breskra punda
Systkinin deila saman auð sem þau erfðu frá Jan föður sínum þegar hann lést árið 2015. Þau hafa séð um fjárfestingar og eignir föður síns frá árinu 2014.
Eigið fé: 3,7 milljarðar breskra punda
Amorim auðgaðist af korkfyrirtæki sem afi hans stofnaði. Hann á einnig eignir í Angólu, fyrrum portúgalskri nýlendu.
Eigið fé: 3,7 milljarðar breskra punda
Frere er fjárfestir sem efnaðist á stáli á 8. Áratug síðustu aldar. Hann hefur síðan þá átt í ýmis konar viðskiptum.
Eigið fé: 6,8 milljarðar breskra punda
Reitan varð ríkur af verslun með matvöru og smásölu. Hann stofnaði REMA 1000 sem er stærsta matvörukeðja Noregs.
Eigið fé. 6,8 milljarðar breskra punda
Bertarelli varð ríkur af sölu Serono, lyfjafyrirtækis sem stofnað var af afa hans.
Eigið fé: 7,9 milljarðar breskra punda
Fredriksen væri ríkasti maður Noregs hefði hann verið um kyrrt í heimalandi sínu, en hann er núna kýpverskur ríkisborgari og einn mikilvægasti olíubarón heims. Hann græddi gríðarlegar fjárhæðir á að flytja olíu á meðan á stríðinu milli Íran og Írak stóð.
Eigið fé: 9,3 milljarðar breskra punda
Carvalho-Heineken er erfingi Heineken brugghússins. Afi hennar byggði upp fyrirtækið seint á 19. Öld. Carvalho-Heineken situr í stjórn fyrirtækisins.
Eigið fé: 10,1 milljarður breskra punda
Kristiansen á Lego ríkidæmi sitt að þakka. Afi hans Ole Kirk Christiansen stofnaði fyrirtækið.
Eigið fé: 11,6 milljarðar breskra punda
Systkini á áttræðisaldri sem reka fyrirtækjasamsteypuna Hinduja Group. Fyrirtækið á Indverska bifreiðaframleiðandann Ashok Leyland.
Eigið fé: 10 milljarðar breskra punda
Mateschitz stofnaði fyrirtækið Red Bull og á næstum helming hlutabréfa í því.
Eigið fé: 15,9 milljarðar breskra punda
Person er stærsti hluthafinn í H&M fatakeðjunni. Faðir hans stofnaði fyrirtækið og sonur hans er forstjóri þess.
Eigið fé: 16 milljarðar breskra punda
Georg Schaeffler á 80% af iðnframleiðslufyrirtækinu Scaeffler Group. Mamma hans á hin 20%. Fyrirtækið framleiðir legur fyrir vélknúin farartæki, flugvélar og iðnaðartæki.
Eigið fé: 19,8 milljarðar breskra punda
Mæðginin eru erfingjar Michel Ferrero sem átti sælgætisframleiðslufyrirtækið Ferrero SpA. Giovanni Ferrero er forstjóri fyrirtækisins.
Eigið fé: 30,6 milljarðar breskra punda
Bettencourt er ríkasta kona Evrópu. Hún og börn hennar eiga 33% hlut í snyrtivörurisanum L’Oreal.
Eigið fé: 56,6 milljarðar breskra punda
Ortega er spænskur viðskiptajöfur sem stofnaði tískufyrirtækið Inditex. Fyrirtækið er þekktar fyrir tískuverslunarkeðjuna Zara. Ortego er næst ríkasti maður heims.
