Franck Ribery yfirgefur lið Bayern Munchen í sumar en hann lék með liðinu í 12 ár við góðan orðstír.
Talið er að Ribery muni spila allavegana eitt ár til viðbótar en ljóst er að það verði ekki hjá Bayern.
Nú er óvænt verið að orða þennan 36 ára gamla leikmann við Sheffield United á Englandi.
Það væru gríðarlega óvænt skipti en Ribery gæti samið við nýliðana í ensku úrvalsdeildinni frítt.
Þýski miðillinn Kicker segir að Sheffield sé að skoða það að fá Ribery sem vann 22 titla hjá Bayern.
Sheffield hefur verið á mikilli uppleið síðustu tvö ár og voru í League One fyrir tveimur árum síðan.
