Lúxusíbúðir í Skuggahverfinu í sérflokki – DV fann níu eignir þar sem fermetrinn kostar yfir 800 þúsund krónur
Hæsta fermetraverð á höfuðborgarsvæðinu er í lúxusíbúðum Skuggahverfisins í 101 Reykjavík. Úttekt DV sýnir að dýrasti fermetri landsins er á rétt tæplega eina milljón króna í þriggja herbergja íbúð við Vatnsstíg 20–22.
Húsnæðisverð hækkaði um 20,9 prósent síðustu tólf mánuði samkvæmt nýlegri samantekt Þjóðskrár Íslands. Sú hækkun er skiljanlega mismikil eftir svæðum en mest er hún í og við miðborg Reykjavíkur.
DV fór í gegnum fasteignaauglýsingar á höfuðborgarsvæðinu á fasteignavef Vísis og setti saman lista yfir eignir eftir fermetraverði til að finna dýrasta fermetrann á höfuðborgarsvæðinu og þar með nær örugglega á landinu öllu. Það þarf ekki að koma á óvart að hæsta fermetraverðið er í og við 101 Reykjavík. Hér er miðað við fermetraverð út frá ásettu verði og uppgefna heildarfermetratölu og á listann komast íbúðir með fermetraverð yfir 700 þúsund krónum. Engin afstaða var tekin til ástands bygginga, stærðar íbúða eða byggingarárs. Í sumum tilfellum voru fleiri en ein íbúð til sölu á sama eða sambærilegu verði og er þá tilgreint ef svo var. Tekið er fram að listinn þarf ekki að vera tæmandi.
Athygli vekur að níu skráðar fasteignir voru með fermetraverð yfir 800 þúsund krónum. Þá komust aðeins tvær eignir utan Reykjavíkur á listann, en það voru tvær íbúðir í nýbyggingum í Garðabæ.
Utan Skuggahverfisins er fermetrinn dýr í nýjum lúxusíbúðum við Hljómalindarreitinn svokallaða á Laugavegi og margar slíkar til sölu þessa dagana. Langhæsta ásetta verðið er þó á fimm herbergja íbúð á 10. hæð við Lindargötu 39, sem metin er á 229 milljónir króna en sú eign er með næsthæsta fermetraverðið, eða rúmar 895 þúsund krónur.
Ef undanskildar eru lúxusíbúðirnar, sem flestar eru ýmist nýjar, í byggingu eða nýlegar, þá er dýrasti fermetrinn í „venjulegum“ íbúðum án nokkurs vafa í ósamþykktri stúdíóíbúð við Öldugötu í 101 Reykjavík. Íbúðin er aðeins 18,9 fermetrar en ásett verð er 15,9 milljónir króna. Það gerir fermetraverð upp á 841.269 krónur sem dugar til að gera hana að sjöundu dýrustu íbúð höfuðborgarsvæðisins með tilliti til fermetraverðs.
Margar af dýrustu íbúðum landsins er að finna við Vatnsstíg 20–22 í Skuggahverfinu. Þar hafa fjárfestar og aðrir sterkefnaðir verið duglegir að kaupa eignir á undanförnum árum. Ef miðað er við fermetraverð þeirra þriggja íbúða í blokkinni sem komast á lista DV er meðalfermetraverð íbúðanna um 857 þúsund krónur. Ætla má að dýrasta íbúðin sé penthouse-eignin á 16. hæð hússins sem er skráð rúmir 314 fermetrar.
Hún er í eigu eignarhaldsfélagsins Fiskitangi ehf. sem Guðmundur Kristjánsson, útgerðarmaður í Brimi, á í gegnum félögin Fiskines ehf. og Fasteignafélagið B-16. Sama félag á aðra 176 fermetra íbúð á 13. hæð og á félag Guðmundar því tvær íbúðir í húsinu samkvæmt fasteignaskrá, alls tæplega 500 fermetra.
Fleiri félög tengd útgerðarmönnum eiga íbúðir í turninum dýra, Salting ehf., félag í eigu eiginkonu bolvíska útgerðarmannsins Jakobs Valgeirs Flosasonar, á tvær íbúðir svo eitthvað sé nefnt.
Indónesíski auðmaðurinn Alwin Arifin er annar sem fjárfest hefur í tveimur íbúðum í turninum. Arifin er umsvifamikill í matvæla- og veitingaiðnaðinum í heimalandinu og rekur á þriðja hundrað Pizza Hut-staði í 35 borgum samkvæmt umfjöllun Forbes Indonesia um hinn sterkefnaða Pizza Hut-kóng. Morgunblaðið greindi frá því í fyrra að Arifin hefði heimsótt Ísland í ársbyrjun 2015 og frétt að íbúðir væru til sölu í húsinu. Í byrjun mars keypti hann íbúðirnar á 9. og 10. hæð hússins á tæpar 230 milljónir króna.
—
3ja herbergja íbúða á 10. hæð.
Verð: 172.830.000 kr.
Fermetrar: 173,5
Verð á fermetra: 996.138 kr.
5 herbergja íbúð á 10. hæð
Verð: 229.000.000 kr.
Fermetrar: 255,6
4ja herbergja penthouse-íbúð á 9. og 10. hæð.
Verð: 190.000.000
Fermetrar: 217,5
2ja herbergja íbúð á 4. hæð við Hljómalindarreitinn.
Verð: 57.800.000 kr.
Fermetrar: 66,8
(Nokkrar íbúðir í sömu byggingu á sama/svipuðu verði)
3ja herbergja rishæð á 4. hæð við Hljómalindarreitinn.
Verð: 65.500.000 kr.
Fermetrar: 75,9
6 herbergja einbýlishús.
Verð: 95.000.000 kr.
Fermetrar: 110,4
Ósamþykkt stúdíóíbúð á jarðhæð.
Verð: 15.900.000 kr.
Fermetrar: 18,9
4ja herbergja íbúð á 2. hæð.
Verð: 89.000.000 kr.
Fermetrar: 109,4
2ja herbergja íbúð á 3. hæð við Hljómalindarreitinn.
Verð: 67.800.000 kr.
Fermetrar: 84,7
3ja herbergja íbúð á 6. hæð
Verð: 109.000.000 kr.
Fermetrar: 136,5
3ja herbergja íbúð á 6. hæð
Verð: 134.925.000 kr.
Fermetrar: 173,6
4ja herbergja íbúð á 7. hæð
Verð: 145.000.000 kr.
Fermetrar: 187,1
2ja herbergja íbúð á 3. hæð við Hljómalindarreitinn.
Verð: 64.600.000 kr.
Fermetrar: 84,1
(Nokkrar íbúðir í sömu bygginu á sambærilegu/sama verði)
3ja herbergja íbúð.
Verð: 40.900.000
Fermetrar: 55
2ja herbergja íbúð.
Verð: 33.000.000 kr.
Fermetrar: 44,7
2ja herbergja íbúð á 3. hæð.
Verð: 36.900.000 kr.
Fermetrar: 50,9
4ja herbergja íbúð á 4. hæð.
Verð: 94.900.000 kr.
Fermetrar: 131.2
3ja herbergja penthouse-íbúð á 4. hæð.
Verð: 85.500.000 kr.
Fermetrar: 119,2
2ja herbergja íbúð á 1. hæð.
Verð: 59.900.000 kr.
Fermetrar: 83,6
2ja herbergja íbúð á 1. hæð.
Verð: 24.900.000 kr.
Fermetrar: 35,1
3ja herbergja penthouse-íbúð á 4. hæð.
Verð: 64.900.000 kr.
Fermetrar: 91,9
(Nokkrar íbúðir í sömu byggingu á sama/sambærilegu verði)
