Kylie Jenner er með þó nokkur húðflúr, sjö talsins. Ef þú hefur ekki séð þau öll er það ekki endilega vegna þess að hún er að reyna að fela þau, heldur vegna þess hversu lítil þau eru.
Við tókum saman öll húðflúrin sem raunveruleikastjarnan og snyrtivörumógullinn er með.
Kylie Jenner fékk nafn ömmu sinnar, Mary Jo, húðflúrað á sig í skrift afa síns.
Kylie fékk sér lítið rautt hjarta fyrir ofan hægri olnboga stuttu eftir að hún varð átján ára, árið 2015.
Raunveruleikastjarnan fékk sér geðheilsa (sanity) flúrað á sig með hljóðritun í rauðu bleki. Það er nokkuð ljóst að hún er hrifin af rauðum húðflúrum.
Kylie Jenner og fyrrverandi besta vinkona hennar fengu sér tattú í stíl árið 2016. Þær hafa aldrei sagt opinberlega af hverju þær fengu sér þetta tiltekna húðflúr.
Kylie fékk sér lítið „t“ fyrir Tyga, fyrrverandi kærasta sinn, á ökklann í desember 2016.
Hún lét breyta t-inu í LA þegar hún og Tyga hættu saman.
Kylie Jenner og núverandi kærasti og barnsfaðir, Travis Scott, fengu sér alveg eins tattú árið 2017. Þau fengu sér lítið fiðrildi og er lag Travis, Butterfly Effect, talið hafa verið innblásturinn fyrir tattúunum.
Kylie og Travis fengu sér bæði nafn Stormi, dóttur þeirra, húðflúrað á sig fyrr á árinu.
