Kimberly Holland hjá vefsíðunni My Recipe er búin að kryfja það hvað gerist þegar að popp poki er settur vitlaust inn í örbylgjuofn. Þeir sem hafa poppað örbylgjupopp vita að á popp pokanum eru ávallt leiðbeiningar um hvaða hlið pokans eigi að snúa niður.

Kimberly segir að í raun gerist ekki mikið ef þú snýrð pokanum vitlaust. Ástæðan fyrir því að neytendur eru beðnir um að snúa pokanum á ákveðinn hátt er sú að á hliðinni sem snúið er niður er efni sem dregur í sig orku frá örbylgjuofninum og breytir henni í hita til að flýta fyrir poppuninni.

Pistlahöfundurinn bætir við að poppið poppist alveg án þessa efnis og hægt sé í raun að henda poppmaís í hvaða pappírspoka sem er, setja hann inn í örbylgjuofn og fá gómsætt popp. Hins vegar er fyrrnefnt efni gott í popp poka til að fleiri maísbaunir poppist. Þá tekur líka lengri tíma að poppa án efnisins.

Þá vitum við það!