Sveitin Hatari kláraði aðra æfingu sína á stóra sviðinu í Eurovision-keppninni í Tel Aviv í Ísrael nú fyrir stundu.
Myndir af æfingunni eru komnar á vefsíðu Eurovision-keppninnar og lofa þær góðu. Sleggja Einar trommugimps er komin aftur og nóg af eld og stuði. Þá má einnig minnast á að mjaðmahnykkirnir hans Klemens eru einnig komnir aftur inn í atriði, en þeirra var sárt saknað á fyrstu æfingu.
Almennt eru fyrstu viðbrögð við æfingunni góð og heldur Ísland áttunda sætinu í veðbönkum enn sem komið er.
